آوروپا بیرلییی اسلام رسپوبلیکاسینین بیر سیرا حاکملرینه و ایران‌داکی کیبئر گروپون یوکسک وظیفه‌لی شخصینه یئنی سانکسیالار تطبیق ائدیب.

Axar.az خبر وئریر کی، بو حاق‌دا آوروپا بیرلیینین خاریجی سیاست رهبری کایا کالاس ایکس شبکه‌سین‌ده یازیب.

کاللاس ایان‌دا خالقا قارشی رپرسییالارین دقتدن کناردا ساخلاماماغی توصیه ائدیب:

«ایران خالقینا قارشی رپرسییالار اونودولمامالیدیر. دنیانین دقتی یاخین شرق‌ده‌کی محاربه‌یه یؤنلسه ده، ایران حکومتی طرفین‌دن ایران خالقینا قارشی رپرسییالاری نظردن قاچیرمامالیییق».

او، سانکسیالارا معروض قالان شخصلرین انسان حقوقلارینی پوزماق‌دا و اینفورماسییانین سربست آخینینی بوغماق‌دا رول اوینادیقلارینی بیلدیریب.

کاللاس قید ائدیب کی، یئنی محدودلاشدیریجی تدبیرلره سیاسی مخالیفلرین و دینی آزلیقلارین تعقیبی ده داخیل اولماقلا، جدی انسان حقوقلاری پوزونتولارینا گؤره مسئولیت داشییان حاکملر داخل‌دیر. کالاسین سؤزلرینه گؤره، همچینین ایران حکومتینین اینفورماسیا آخینینی بوغماسی اوچون اساس یارادان کیبئر گروپون اهمیتلی شخصلرین‌دن بیرینین آدی دا سیاهی‌یا داخیل ائدیلیب.

آوروپا بیرلیینین خارجی سیاست رهبری وورغولاییب کی، تهران داخلی تضییقلرینی گوجلندیرسه ده، آوروپا بیرلیییی بو حرکتلرده رول اوینایانلاری مسئولیته جلب ائتمه‌یه داوام ائد‌جک. کاللاس، سانکسییا تطبیق ائدیلن شخصلرین آدلارینی چکمه‌ییب.