آمریکانین آریزونا اشتاتیندا ایکی طیاره توققوشوب.

Axar.az خبر وئریر کی، بو باره‌ده "آسوشتد پرس" (آپ) معلومات یاییب.

قضا نتیجه‌سینده ان آزی ۲ نفرین هلاک اولدوغو بیلدیریلیب.

حادثه مارانیا دپارتامنتینین توکسون شهرینین کنارینداکی هوا لیمانی یاخینلیغیندا باش وئریب. بئله کی، هاوادا «جسنا ۱۷۲س» و «لانجایر ۳۶۰ مک II» تیپ‌لی یونگول طیاره‌لر توققوشوب.

طیاره‌لردن بیرینین حادثه‌سیز یئره ائندیی، دیگرینین ایسه اوچوش-ائنمه زولاغینا آز قالمیش یئره چیرپیلدیغی و آلوولاندیغی گمان ائدیلیر.

مارانیا پلیس اداره‌سی اؤلن ایکی نفرین بیر طیاره‌ده اولدوغونو، دیگر طیاره‌ده اولان ایکی نفرین ایسه خسارت آلمادیغینی تصدیقله‌ییب.

حادثه‌نین سببلری آراشدیریلیر.