آمریکا-نین کمکی اولمادان اوکراینانین روسیایا مقاومت گؤسترمه‌سی چتین اولاجاق.

Axar.az خبر وئریر کی، بو سؤزلری اوکراینا لیدری ولادیمیر زلنسکی آمریکا پرزیدنتی دونالد ترامپلا آغ ائوده مباحثه ائد‌ندن سونرا «فوکس نیوز»آ آچیقلاماسین‌دا دئییب.

زلنسکی «آمریکا-نین دستیی اولمادان اوکراینا روسیایا مقاومت گؤستره بیله‌جکمی» سوالینا بو جور جواب وئریب:

«بیزیم اوچون چوخ چتین اولاجاق. اونا گؤره ده بورادایام. اونا گؤره ده من قارشی‌دان گلن دانیشیقلاردان دانیشیردیم. سیزین کمکینیز اولمادان چتین اولاجاق. اما بیز اؤز دیرلریمیزی، خالقیمیزی، آزادلیغیمیزی ایتیره بیلمریک. روسلار اراضیلریمیزه گیردیلر، ائویمیزه گیردیلر، نه قدر انسانی اؤلدوردولر. ساده‌جه بونو اونودوب دئیک کی، پوتین اعلا اوغلاندیر؟ خیر، بونو بیزسیز ائدین».

او وورغولاییب کی، اوکراینالیلار گئنیش‌مقیاسلی اشغالین باشلانغیجینی یاخشی خاطیرلاییرلار و یئنی اشغال دالغاسی ایله اوزلشمک ایسته‌میرلر:

«اونا گؤره ده من ایندی تهلوکه‌سیزلیک ضمانتی مسئله‌سینی قالدیریرام. بیز تضییق ائتمیریک، ساده‌جه، خواهش ائدیریک. بیز طرفداشلاریمیز، دوستلاریمیز و آمریکالیلارلا آیدین مساژلار پایلاشیریق. اگر سیز بیزیمله قالسانیز، تشکور ائدیرم، اما گلین تهلوکه‌سیزلیک ضمانتلری اینفراستروکتورونو یاراداق".

زلنسکی همچنین علاوه ائدیب کی، آغ ائودکی مباحثه هر ایکی طرف اوچون یاخشی دئییل.