ان گولمه‌لی‌سی اودور کی، آوروپا بیرلییندن رسمی دعوت یوخ‌دور، آنجاق بیز بیان ائدیریک کی، آوراسیا اقتصادی اتفاقیندا اولساق دا، آ.ب-یه عضولوک آرزوسونداییق. قانون لاییحه‌سینین ایکینجی اوخونوشونون تاخیره سالینماسین‌دا دا غریبه و آبسورد المنتلر وار. خارجی ایشلر ناظیرینین معاونی دئییر کی، بو قانون لاییحه‌سینده کونکرت آددیملار نظرده توتولماییب، لاکن بو، آ.ب-یه بیر مساژدیر کی، بیز اونلارین یانینداییق. یعنی بو، مسکوایا مساژدیر کی، بیز اونلارلا اولماق ایسته‌میریک، اما موقتی اولاراق روسیانین یانینداییق؟

Axar.az خبر وئریر کی، بو سؤزلری ارمنی پولیتولوق هایک خالاتیان یئرلی مدیایا مصاحبه‌سینده دئییب.

«طبیعی کی، بوتون بونلار ارمنیستانا قارشی منفی مناسبته گتیریب چیخاریر. حاضردا مسکوا ارمنیستانی نینکی متفق، هئچ اعتبارلی طرفداش کیمی ده قبول ائتمیر»، - او بیلدیریب.

خالاتیان قید ائدیب کی، ایلهام علیئو پروبلم ده یارادیر، سؤزونو ده دئییر، ناراضیلیق دا ائدیر، آنجاق روسیا اونو اعتبارلی طرفداش ساییر:

«چونکی بیلیرلر کی، علیئوله، اردوغانلا مقاوله باغلاسان، راضیلاشما الده ائتسه‌ن، مطلق یئرینه یئتیریله‌جک. بو باره‌ده پوتین اؤزو ده دانیشیب. آنجاق نیکول پاشینیانلا باغلی بئله دئییل».