ترکیه‌ده داوام ائد‌ن زوراکیلیق دالغاسینا گؤره مسئولیتی جمهوریت خالق پارتییاسی و اونون صدری اؤزگور اؤزل داشیییر.

Axar.az خبر وئریر کی، بونو ترکیه پرزیدنتی رجب طاییب اردوغان آنکارادا حکومت اجلاسیندان سونرا دئییب.

اردوغان بیلدیریب کی، مخالفت کورروپسییا، سویغونچولوق و روشوت‌خورلوق اتهاملارینا جواب وئرمک عوضینه، بئش گون عرضینده قانونسوز بیاناتلار وئریب:

«بوتون بونلارا پارلامنتده باخیلاجاق و بونونلا باغلی حقوقی حساباتلار محکمه‌یه تقدیم اولوناجاق».

قید ائدک کی، ۱۹ مارت‌دا ساخلانیلان استانبول بؤیوک‍‌شهر بلدییه‌سینین صدری، ج‌ح‌پ-چی اکرم امام‌اوغلو ۲۳ مارتدا کورروپسییا اتهامی ایله حبس ائدیلیب و وظیفه‌سیندن اوزاقلاشدیریلیب. ا.امام‌اوغلو ساخلانیلدیغی گوندن ترکیه‌نین مختلف شهرلرینده، خصوصاً استانبول‌دا ج‌ح‌پ-چیلرین آکسییالاری کئچیریلیر.