دولت مأمورلاری اؤز بیلیک سوییه‌لری حاقین‌دا دوشونمه‌لیدیرلر.

Axar.az خبر وئریر کی، بو فکرلری ارمنیستان باش ناظیری نیکول پاشینیان حکومتین اجلاسیندا بیلدیریب.

او، اؤز حاکمیتینین ماهیت اعتباریله ۷ ایل عینی صینیفده قالدیغینی وورغولاییب:

«بو گون انسانلارین ساوادسیز اولماسینین سببی حکومت عضولری ایله باغلی‌دیر. چونکی همین شخصلرین ده بیلیی آزدیر. ارمنی خالقینا خدمت ائدیریک. اونلاری ساوادسیزلیغا و کاسیبلیغا آپارماق بیزیم گناهیمیزدیر. مثلاً، ۷ ایلدن سونرا تصادفا آرماویر بؤلگه‌سینده پشاتاوان کندینه گئتدیم. ماشینی ساخلاتدیردیم، دوشوب انسانلارلا ۱۰ دقیقه دانیشدیم. او زمان باشا دوشدوم کی، بو ۷ ایل عرضینده بیز من ده داخل اولماقلا هئچ بیر ایرلیلییش ائتممیشیک. ساده‌جه کاغیذ اوزرینده ایش گؤرموشوک، اما رئال دییشیکلیک یوخ‌دور. اوزاقدا یاشایان بیر کندلی ساوادسیزدیرسا، بو بیزیم ساوادسیزلیغیمیزدان ایر‌لی گلیر. سون ۳۰ ایلده، خصوصیله ده سون ۷ ایلده وضعیت بئله‌دیر. اگر بو حقیقتی قبول ائتمسک، هئچ نه دوزلمه‌یه‌جک».