اردبیل ایالتینین خیاو (مشگین) شهرینده یئرلشن تاریخی کهنه قالا عابده‌سی برپا اولونمایاجاغی تقدیرده داغیلاجاق.

Kult.az خبر وئریر کی، بو باره‌ده یئرلی مده‌نی فعاللار معلومات یاییب.

معلوماتا گؤره، اوزون ایللر باخیم‌سیز و قوروماسیز قالان تاریخی قالا تاریخی اثر قاچاقمال‌چیلارینین قازینتیلاری و طبیعت حادثه‌لری نتیجه‌سینده جدی خسارتلر آلیب.

مسئله‌نین اجتماعی‌لشمه‌سیندن سونرا خیاوین فرمانداری (اجرا باشچی‌سی) مهدی بخشی کهنه قالانین برپا اولوناجاغینا دایر ایشلر آپاریلدیغینی، بونون رئاللاشماسی اوچون دولت قوروملاری ایله یاناشی خصوصی سکتوردان دا یاردیم آلماق نیتینده اولدوقلارینی دئییب.

او، تاریخی عابی‌دنین برپاسینین بؤلگه‌نین توریزم ساحه‌سینین انکشافینا دا اهمیتلی تأثیر گؤسترجه‌یینی سؤیله‌ییب.

قید ائدک کی، ۳-جو عصرده انشا ائدیله‌ن کهنه قالا ایران ملی اثرلری سیاهیسیندا قیده آلینسا دا، بو گونه کیمی برپاسی اوچون وسایت آیریلماییب.