خبر وئردییمیز کیمی، روما پاپاسی فرانسیسک بو گون واتیکان‌دا دنیاسینی دییشیب.

Axar.az خبر وئریر کی، پاپا فرانسیسک آدی ایله تانینان خورخ ماریو برقوقلیو حیاتی بویو غیری-عنعنوی سئچیملری و ساده حیات طرزی ایله دقت چکیب.

۱۹۳۶-جی ایلده آرگنتینانین پایتختی بوئنوس-آیرس‌ده ایتالیان مهاجر عائله‌سینده دوغولان خورخ ماریو گنجلیینده بیر نئچه مختلف ایشلرده چالیشیب.

گئجه کلوبلارینین بیرینده محافظه خدمتین‌ده ایشله‌ییب. داها سونرا کیمیا اختصاصی اوزره تحصیل آلیب و فعالیتینی لابورانت کیمی داوام ائتدیریب.

گنج یاش‌دا کئچیردیی آغیر پنومونیا سببیندن آغجیرینین بیر حیصه‌سی گؤتورولوب.

خورخ ماریو بئرقوقلیو ۱۹۵۸-جی ایلده یزویت طریقتینه قوشولوب. دین، تحصیل و فلسفه ساحه‌سین‌ده اینتنسیو تحصیل آلدیقدان سونرا کشیش تعیین ائدیلیب. او، ۱۹۹۸-جی ایلده بوئنوس-آیرس آرخیپیسکوپو، ۲۰۰۱-جی ایلده ایسه کاردینال سئچیلیب.

۲۰۱۳-جو ایلدکی سئچکیلریندن سونرا او، پاپا فرانسیسک کیمی تانینماغا باشلادی. او، هم جنوبی آمریکادان سئچیلن، هم ده یزویت اصیل‌لی ایلک پاپا کیمی تاریخه دوشوب.

پاپا فرانسیسک دبدبه‌لی سارایلاردان قاچیردی. او، پاپالیق ساراییندا دئییل، واتیکان‌دا تواضع‌کار شکیل‌ده قوناق ائوینده یاشاماغا اوستونلوک وئریردی. ریتواللار زمانی قیزیل ناخیش‌لی تاخت یئرینه پلاستیک اوتوراجاقدان استفاده ائتمه‌سی اونون ساده حیات فلسفه‌سینین سیموولونا چئوریلمیشدی.