چینین «اوچ اوچوروم» بندینین تیکینتی‌سی یئر کره‌سین‌ده گونلری اوزادیب. بو، پلانئتین فیرلانماسینین یاواشلاماسی سببین‌دن باش وئریب.

Axar.az خبر وئریر کی، بو ادعا ایله ناسا-نین قوددارد آدینا کوسمیک اوچوشلار مرکزینین گئوفیزیکی بنجانیم فونگ چاو چیخیش ائدیب.

«چینین «اوچ اوچوروم» بندی سببین‌دن گون ۰،۰۶ میکروثانییه اوزانیب و یرین اوخو تخمیناً ۲ س.م ترپنیب. مقاییسه اوچون قید ائدک کی، بو، کایناتین موجود اولدوغو بوتون دور اوچون ۳ گوندن بیر قدر آرتیقدیر»، - گئوفیزیک بیلدیریب.

اونون سؤزلرینه گؤره، بندین سویونون بؤیوک حجمی پلانتین کوتله‌سینین پایلانماسینی دییشه‌رک اونون عطالتینی آرتیریب:

«کوتله‌نی هر دفعه حرکت ائتدیردیینیز زمان یئرین فیرلانماسینی دییشیرسینیز. تأثیری چوخ کیچیکدیر، لاکین اؤلچوله بیلندیر».

قید ائدک کی، «اوچ اوچوروم» بندی چینین هوبی ایالتینده یانتسزی چایی اوزرینده یئرلشیر. ۲۰۱۲-جی ایلده تیکیلن بندین اوزونلوغو ۲۳۳۵ متر، هوندورلویو ایسه ۱۸۵ متردیر. تخمیناً ۴۰ کوب کیلومتر سو ساخلاییر. سو الکتریک استانسییاسی چینین انرژی سیستمینین اساس المنتی‌دیر. اونون گوجو ۲۲۵۰۰ مگاواتدیر و ۱۵ نووه رئاکتورو قدر انرژی استحصال ائدیر.