ناخچیوان آغیر جینایتلر محکمه‌سین‌ده ایران خصوصی خدمت اورگانلارینا خدمت ائتمک‌ده تقصیرلندیریلن ناخچیوان دولت اونیوئرسیته‌سینده تحصیل آلان ایکی ایرانلی طلبه‌نین جنایت ایشی اوزره محکمه پروسسی باشا چاتیب.

Axar.az - خبر وئریر کی، حاکم فایق حیدراوون صدرلییی ایله کئچیریلن پروسس‌ده تقصیرلندیریلن شخصلره حکم اوخونوب. محکمه‌نین حکمو ایله طلبه‌لردن بیری ۱۶، دیگری ایسه ۱۱ ایل مدتینه آزادلیق‌دان محروم ائدیلیبلر.

اتهاما گؤره، ایران وطنداشلاری ۲۰۲۰-جی ایلده تحصیل آلماق آدی ایله ناخچیوانا گلیبلر. اونلار ۲۰۱۹-جو ایلده ایرانین خصوصی خدمت اورگانی اولان انفورماسییا و تهلوکه‌سیزلیک ناضیرلیینین (اطلاعات) نماینده‌لری طرفیندن مخفی امکداشلیغا جلب ائدیلیبلر. اونلار ناخچیوان مختار رسپوبلیکاسین‌دا اجتماعی-سیاسی وضعیت، دولت و دیگر قوروملارین ایران اسلام رسپوبلیکاسی وطنداشلارینا اولان مناسیبتی، دولت سری حساب ائدیلن دولت تهلکه‌سیزلییی خدمتینین ناخچیوان مختار رسپوبلیکاسین‌دا خدمت ائد‌ن امکداشلاری حاقیندا، همچینین اونلارین عائله عضولری، ناخچیوان دولت اونیورسیته‌سین‌ده تحصیل آلان طلبه‌لر باره‌ده ممکن کشفیات معلوماتلارینین توپلانماسی تاپشیریقلاری آلیبلار.

اونلار ایفاده‌لرینده بیلدیریبلر کی، ایران‌دا اولان زامان خصوصی خدمت اورگانلاری ایله امکداشلیق ائدیبلر و مجبوریت قارشی‌سیندا قالاراق ناخچیوانا گلیبلر. اونلاردان بیری ۱۰ یاشین‌دا جنسی زوراکیلیغا معروض قالدیغی، ایران‌دا اولارکن حکومت علیهینه میتینقلرده اشتراک ائتدیی اوچون خصوصی خدمت اورگانلاری طرفیندن شانتاژ ائدیلیب. همچینین عائله عضولرینه گؤره ده تهدید ائدیلیبلر. بیلدیریبلر کی، مجبور اولدوقلاری اوچون ایران خصوصی خدمت اورگانلارینین امکداشلارینا معلوماتلار وئریبلر.

پلانا اساساً اونلار ناخچیوان‌دا یئرلشن مختلف حقوق-محافظه و استراتژی اهمیتلی دولت اورگانلارینین انضباطی بینالارینین و حربی تکنیکانین فوتوشکیللرینی چکمه‌لی، ناخچیوان‌دا تحصیل آلان ایرانلی طلبه‌لر باره‌ده معلوماتلار توپلامالی، همچینین اونیورسیتت‌ده تحصیل آلان وظیفه‌لی شخصلرین اولادلاری باره‌ده بیلگیلر الده ائتمه‌لی ایمیشلر. بوندان باشقا، ناخچیوان‌دا طلبه‌لرین تبریزده تحصیل آلماغا مئییلله‌ندیرمک کیمی عهده‌لیکلری ده اولوب.

دولت تهلکه‌سیزلییی خدمتی اونلارین پلانینی افشا ائدیب. همین شخصلر طلبه یاتاقخاناسیندا قالیرلارمیش. اونلارین اوتاغینا باخیش کئچیریلن زامان مادی ثبوتلار آشکار ائدیلیب.

معین ائدیلیب کی، ایرانلی طلبه‌لر اساساً جلفا سرحدین‌دن ایرانا کئچه‌رک اورادا خصوصی خدمت اورگانلارینین امکداشلارینا معلوماتلار وئریرمیشلر.

همچینین معین ائدیلیب کی، اونلار باشقا بیر پلانا اویغون اولاراق ناخچیوان دولت اونیورسیته‌‌سینین عمومی ایشلر اوزره پرورکتورو خیال جامال‌اوو "شرق سفره‌سی" رستورانین‌دا یئمک یئیرکن زهرله‌مه‌لی ایمیشلر.