آمریکا مرکزی کشفیات اداره‌سی (ام.کا.ای) رهبرینین کئچمیش مشاوری جیمز ریکاردس روسیا، چین و آمریکا-نین آرالاریندا «پوکر اوینادیقلارینی» بیلدیریب. اونون فکرینجه، بو اویون‌دا ایکی‌سی دیگرینه قارشی مبارزه‌نی کوردیناسییا ائدیر. همین ایکی اویونچونون مقصدی اوچونجونو اویوندان‌کنار وضعیته سالماقدیر. کئچمیش مشاور بو اویوندا فعالیتلرینی کوردیناسییا ائد‌ن ایکی اویونچونون آدینی چکمه‌سه ده، صحبتین روسیا و چین بیرلییندن گئتدیی آیدیندیر. چونکی روس آمریکا-یلا چینه قارشی، چین ایسه آمریکا-یلا روسیایا قارشی اویون قورماز.

Axar.az خبر وئریر کی، بو باره‌ده «آتلاس» آ.م-این آنالیزینده بیلدیریلیب.

«البته، واشینگتن چوخ ایستیردی کی، چین آمریکا-یلا بیرگه روسیایا قارشی مبارزه آپارسین. آنجاق بو، واشینگتنون حاضیرکی سیاستی باخیمیندان ممکون دئییل. آغ ائو صاحبی دونالد ترامپ چین اقتصادیاتینا قارشی سرت قرارلار قبول ائدیب، اوسته‌گل، تایوان مسئله‌سینه گؤره ایکی اؤلکه آراسین‌دا مناسبتلر گرگیندیر. بئله وضعیتده واشینگتنون پکینله ده مسکوایا قارشی سعیلرینی بیرلشدیرمه‌سی ممکون دئییل.

ام.کا.ای-این کئچمیش مشاورینین بیر باشقا آچیقلاماسی دا ماراقلی‌دیر. اونون سؤزلرینه گؤره، دنیا آدی چکیله‌ن اوچلوک آراسین‌دا بؤلوشدورولوب: «دیگر اؤلکه‌لر یا بو اوچلوکدن بیرینین متفقلریدیر، یا دا ایکینجی درجه‌لی اؤلکه‌لردیر». بو یاناشما سویوق محاربه ایللرینی خاطیرلادیر. او زمان دا دنیا اؤلکه‌لرینین بیر قسمی آمریکا و کئچمیش اس.اس.ار.ای آراسیندا بؤلوشدورولموشدو، دیگرلری ایسه هر ایکی‌سیندن عینی مسافه ساخلاییردیلار.

«دنیا یئنی‌دن بؤلوشدورولور» فکری سون زمانلار تلقین اولونور. کئچمیش مشاوردن اول آمریکا-نین نفوذلو درگیلریندن بیری ده «دنیا بؤیوک دولتلر آراسین‌دا بؤلوشدورولور» تیپلی مقاله درج ائتمیشدی. بو یاناشما داها چوخ آمریکالی اکسپرتلر طرفیندن سسلندیریلیر. ماراقلی‌دیر کی، بو یاناشما روسیا و چین اکسپرتلرینین ناراضیلیغینا سبب اولمور. گؤرونور، «دنیا بؤلوشدورولور» یاناشماسی مسکوا و پکینین ده ایستیینه جواب وئریر. چونکی اگر «دنیا بؤلوشدورولورسه»، آمریکا-یلا یاناشی روسیا و چین ده مختلف بؤلگه و اؤلکه‌لره ادعا ائده، تأثیر دایره‌لرینی آرتیرا بیلرلر»، - تحلیلده وورغولانیب.