آمریکا پرزیدنتی دونالد ترامپ خارج‌ده استحصال اولونان بوتون فیلملره ۱۰۰% روسوم تطبیق ائدیلجیینی آچیقلاییب. او، آمریکا فیلم صنایع‌سینین دیگر اؤلکه‌لرین وئرگی گذشتلری سببیله "چوخ سرعتلی شکلده اؤلدویونو" بیلدیریب و بو وضعیتی "ملی تهلوکه‌سیزلیک مسئله‌سی" آدلاندیریب.

Axar.az خبر وئریر کی، آمریکا پرزیدنتی "فیلملرین یئنی‌دن آمریکادا چکیلمه‌سینی ایستییریک" دئیه چاغیریش ائدیب.

قید اولونور کی، یئنی روسومون نئجه تطبیق اولوناجاغی هله‌لیک معلوم دئییل. بونون کینوتئاترلاردا نمایش اولونان و یا یاییملانان فیلملره شامل ائدیلجیی ده بللی دئییل.

تجارت ناظیری هووارد لوتنیک بو قراری تصدیقله‌سه ده، علاوه معلومات وئرمه‌ییب.

هولیوود آرتیق اوزون مدتدیر استحصال خرجلرینه گؤره فیلم چکیلیشلرینی خارجه کؤچوروب. ۲۰۲۳-جو ایلده ۴۰ میلیون دلاردان چوخ بودجه‌لی آمریکا لاییحه‌لرینین یاریسی خارج‌ده چکیلیب. صنایع اکسپرتلری خبردارلیق ائدیر کی، بو قرار عکس-رئاکسییالارا سبب اولا و آمریکا فیلم صنایع‌سینه ضرر وئره بیلر.

کانادا، بریتانیا، آوسترالیا و یئنی زلاندییا کیمی بین‌الخالق استحصال مرکزلری ترامپین آچیقلاماسینا جواب اولاراق اؤز صنایعلرینی مدافعه ائد‌جکلرینی بیلدیریبلر.