تورکیه حربی دنیز قوه‌لرینین کوماندانی آدمیرال ارجومنت تاتلی‌اوغلو ایلک دفعه اولاراق نووه انرژیسی ایله ایشله‌یه‌ن سوالتی قایق یاراتماق نیتلرینی رسما آچیقلاییب.

Axar.az خبر وئریر کی، بو باره‌ده یئرلی مدیا معلومات یاییب.

تاتلی‌اوغلو وورغولاییب کی، ۱۳۹ ایلدیر مستقل دیزاینلی سوالتی قایق یاراتماق بیزیم ملی آرزوموز اولوب:

«میلدن بیتدیکدن سونرا بیز نووه سوالتی قایقلارینا دوغرو یئنی بیر آددیم آتاجاغیق».

بیلدیریلیب کی، تورکیه دنیز صنایع‌سی سون زمانلار هم ده خارج‌دن آسیلیلیغی ممکون قدر آزالتماق اوچون انکشاف ائدیب. آرتیق اهمیتلی نتیجه‌لر الده ائتمیش ملی گمی‌قاییرما پروگراملاری میلگم (ملی گمی) و میلدن (ملی دنیزالتی) نووه سوالتی قاییغینین لاییحه‌لندیریلمه‌سی اوچون ایلکین شرطلری یاراتمیشدیر.

تورکیه‌لی حربی اکسپرت، مدافعه صنایع‌سی اوزره آنالیتیک دئوریم یایلالین بئله بیر گوجه مالک سوالتی قایغین اولماسینین تورکیه‌نی مستقل اولاراق نووه سوالتی قایقلارینی لاییحه‌له‌ن‌دیرن، استحصال و استثمار ائد‌ن اؤلکه‌لر سیراسینا داخل ائده بیلجیی قناعتینده‌دیر. بو اؤلکه‌لره آمریکا، روسیا، چین، فرانسا، بؤیوک بریتانیا و هیندیستان داخلدیر.