دونن تبریزین "تراکتور" فوتبول کومانداسی ایله قزوینین "شمس آذر" کوماندالارینین گؤروشون‌دن سونرا، "تراکتور" اویونچولاری و تکنیکی هئیتی تهرانا گؤندریلیب.

Axar.az خبر وئریر کی، بو باره‌ده تبریز تمثیلچی‌سینین سوسیال مئدیا حسابیندا معلومات پایلاشیلیب.

"تراکتورون پرمیر لیگا یاریشلاریندا چمپیونلوغونون قطعیلشمه‌سیندن سونرا، کوماندانین باش مشقی‌سی دراگان سکوچیچین قراری ایله کوماندا اویون‌چولاری و تکنیکی هئیتی ۳ گونلوک ماذونیت اوچون تهرانا یولا دوشدولر. بونا گؤره ده، طرفدارلاردان کوماندانی قارشیلاماق اوچون تبریز هاوا لیمانینا توپلاشمامالاری خواهیش اولونور"،- پایلاشیم‌دا بیلدیرلیب.

بونون تبریزده گؤزله‌نیلن گئنیش شنلیک آکسییالارینین قارشی‌سینی آلماق مقصدیله ائدیلدیی احتمال اولونور.

قید ائدک کی، دونن تبریز واختیله ساعت ۱۹:۳۰-دا قزوینین "سردار آزادگان" استادیونون‌دا باش توان قارشیلاشما ۴:۰ تبریز تمثیلچی‌سینین خیرینه باشا چاتیب.

بونونلادا خاللارینی ۶۴-ا چاتدیران "تراکتور" کومانداسی، لیگا یاریشلارینین بیتمه‌سینه ایکی هفته قالمیش ۵۵ ایللیک تاریخینده ایلک دفعه ایران چمپیونو اولوب.

اونون رقیبی اصفهانین "سپاهان" کومانداسی ایسه ۵۶ خاللا ایکینجی یئرده، تهرانین "پرسپولیس" کومانداسی ایسه اوچونجو یئرده قرارلاشیب.