پوتین ۹ مای پارادی اوچون یالنیز قیسا مدت‌لیک ساختا ساکیت‌لیک یارادیب. نیه ساختا؟ چونکی جبهه‌ده هجوملار دوام ائدیر. روسیا اوردوسونون هجوملاری سنگیمه‌ییب. اونلار هله ده اؤن جبهه‌ده‌کی مؤقعلریمیزه قارشی آویاسیا بمبالاریندان استفاده ائدیرلر. اما هوا هیجان سیگناللاری سسله‌نمه‌ییب. بو، بیر داها ثبوت ائدیر کی، مسکوا اؤلدورمک ایستمدیکده، دایانا بیلر.

Axar.az خبر وئریر کی، بو سؤزلری اوکراینا پرزیدنتی ولادیمیر زلنسکی دئییب.

«بیزیم عمومی وظیفه‌میز مسکوانی بو پروسسی دایاندیرماغا مجبور ائتمکدیر. بونون اوچون ایسه بیرلیک و روسیایا قارشی جدی تضییق لازیمدیر. ائله گوجلو تضییق کی، صلح اونلار اوچون یگانه چیخیش یولو اولسون.

۳۰-دان چوخ اؤلکه‌نین نماینده‌لری ایله بیرلیک‌ده محاربه‌نین عدالت‌لی و رئال سونونو نئجه یاخینلاشدیرماق، تهلوکه‌سیزلییی نئجه تعمین ائتمک باره‌ده مذاکیره‌لر آپاردیق. بو مقصدله بیرلیک‌ده چالیشیریق و اوکراینایا وئریلن قطعی دستیی یوکسک قیمتلندیریریک. یاخشی نتیجه‌لر گؤزلییریک»، - زلنسکی بیلدیریب.