تهراین اوین حبسخاناسیندا ساخلانیلان و اعداما محکوم ائدیلن ایران-ایسوئچ ایکیلی وطنداشلیغی اولان احمدرضا جالالی انفارکت کئچیریب.

Axar.az خبر وئریر کی، بو باره‌ده اونون حیات یولداشی ویدا مهران‌نیا معلومات یاییب.

"احمدرضا مایین ۸-ی گئجه ساعتلاریندا انفارکت کئچیریب و آغیر وضعیت‌ده حبسخانانین طب منطقه‌سینه کؤچورولوب. بونا باخمایاراق بیلدیریلیب کی، اونون بازار گونونه قدر کاردیولوگون معایینه‌سیندن کئچمه‌سی ممکن دئییل"،- او، اؤزونون X حسابین‌دا یازیب.

مهران‌نیا، ۹ ایلدیر ایران‌دا حبس‌ده ساخلانیلان ۵۳ یاشلی حیات یولداشینین حیاتینین تهلکه‌ده اولدوغونو بیلدیریب، ایسوئچ حکومتین‌دن اونون آزاد ائدیلمه‌سی اوچون سعیلرینی آرتیرماغی ایسته‌ییب.

قید ائدک کی، سوئد وطنداشی اولان گونئی آذربایجانلی احمدرضا جلالی ۲۰۱۶-جی ایلین آپریل آییندا تهران و شیراز اونیورسیته‌لری‌نین دعوتی ایله علمی کنفرانسا قاتیلماق اوچون ایرانا سفر ائتدیکدن سونرا حبس ائدیلیب.

۲۰۱۷-جی ایلین سپتامر آییندا تهران انقلاب محکمه‌سی آذربایجانلی عالیمی "اسرائیله جاسوسلوق" اتهامینا گؤره اعداما محکوم ائدیب و قرار داها سونرا ایران عالی محکمه‌سی طرفیندن ده تصدیق اولونوب.