آمریکا-نین «الیوت اینوستمنت منیجمنت» شرکتی روسیا طبیعی گازینین آوروپایا نقل ائدیلدیی بورو کمری ده داخل اولماقلا بیر سیرا اینفراستروکتور آکتیولرینده پای آلماق اوچون دانیشیقلار آپاریر.

Axar.az خبر وئریر کی، بو باره‌ده «وال استریت ژورنال» وضعیتله تانیش منبع‌لره استنادن معلومات یاییب.

قید اولونور کی، بو راضیلاشما مسکوانین انرژی بیزنسینین و آمریکالی اینوستورلارین فعالیتینین برپاسی اوچون نمونه اولا بیلر. منبع‌لرین سؤزلرینه گؤره، میلیاردر پول سینگرین رهبرلیک ائتدیی آمریکا شرکتی «تورک آخینی» گاز کمرینین بلقارستان‌داکی حصه‌سیندن پای آلماق و دیتا-مرکزلر شبکه‌سینه، کابل کاناللارینا و دیگر اینفراستروکتور آکتیولرینه چیخیش الده ائتمک ایستییر.

منبع‌لرین معلوماتینا گؤره، «الیوت اینوستمنت منیجمنت» آرتیق بلقارستانین دولت اپراتورو «بلقارترانس‌گاز» ایله مخفی‌لیک سازشی امضالاییب.

«بو راضیلاشما اوکراینادا و آلمانیادا اوخشار سازشلر اوچون مدل اولا بیلر. بو، آوروپانین روسیا گازیندان آسیلیلیغینین قورونوب ساخلانماسینا تکان وئره بیلر»، – دئیه سوفیا دموکراتییا آراشدیرمالاری مرکزینین انرژی اوزره اکسپرتی مارتین ولادیمیروو بیلدیریب.