اسلام رسپوبلیکاسینین دستکله‌دیی و بشار اسدله یاخین مناسیبتلری اولان فلسطین گروپلارینین لیدرلری، سورییانین یئنی دولتینین تضییقلری نتیجه‌سینده بو اؤلکه‌نی ترک ائتمک مجبوریتینده قالیبلار

Axar.az خبر وئریر کی، بو باره‌ده فرانسا خبر آگنتلییی معلومات یاییب.

"فلسطین سلاحلی گروپلاشمالارینین لیدرلرینین سورییادان چیخاریلماسی دونالد ترامپین بو اؤلکه‌یه تطبیق ائتدیی سانکسییالارین آرادان قالدیریلماسی اوچون شرطلریندن بیری اولوب"،- معلومات‌دا بیلدیریلیب.

فرانسا خبر آگنتلیینه مصاحبه وئره‌ن گروپلاردان بیرینین آدی آچیقلانمایان لیدری دئییب کی، ایرانین دستکله‌دیی روپلار قرارگاهلارین‌دا و یا عضولری یانیندا ساخلانیلان سلاحلارینی سورییا حکومتینه تحویل وئریبلر.

معلوماتا گؤره، فلسطینین آزادلیغی اوغروندا خالق جبهه‌سینین یارادیجی‌سی احمد جبرایلین اوغلو خالد جبرایل، فلسطینین آزادلیق خالق جبهه‌سینین باش کاتیبی خالد عبدول مجید و فتح انتفاضه‌سینین باش کاتیبی زیاد ال-صغیر سورییانین یئنی حاکمیتینین تضییقی آلتیندا اؤلکه‌نی ترک ائدیب.