سناتور قرهمین تشببوسو ایله روسیایا قارشی یئنی سانکسیالار حاضرلانیب، مغزی ده بودور کی، روسیادان نفت-گاز، نفت محصوللاری و دیگر طبیعی ثروتلر آلان اؤلکه‌لره ۵۰۰%-لیک تعریفه تطبیق ائدیلمه‌لیدیر. چوخ واهمه‌لی سسلنسه ده، ایچی بوش، معناسیز و یئرینه یئتیریلمه‌سی ممکن‌سوز اولان مسئله‌دیر.

Axar.az خبر وئریر کی. بو سؤزلری اقتصادچی اکسپرت ناطق جعفرلی قید ائدیب.

او بیلدیریب کی، روسییادان ان چوخ گاز آلان اؤلکه آوروپادا فرانسادیر، نفت-گاز آلان اؤلکه‌لر سیراسیندا مجارستان، سلوواکیا، ایتالیا، حتی آلمانیا و س. دولتلر وار:

«آمریکا اونلارا ۵۰۰% تعریفه تطبیق ائد‌جک؟! و یا، ان چوخ نفت آلان اؤلکه هیندیستاندیر، اونلارا ۵۰۰%-لیک تعریفه نئجه تطبیق اولوناجاق؟! بس چین – ایندی واشینگتن‌لا پکن لوندوندا گؤروشور، تعریفه آنلاشماسی اولاجاق، او زمان چینه ۵۰۰%-لیک تعریفه نئجه تطبیق ائدیله بیلر آخی؟! اگر بئله بیر قانون قبول ائدیلسه، او زمان آمریکا اؤزو-اؤزونه ده سانکسیا قبول ائتمه‌لیدیر – آمریکا اورانا اولان طلباتینین، آز قالا، یاریسینی روسیادان آلیر. آبسورددور، دئییلمی؟! اما اینسانلار درین آنالیز ائده بیلمیر، قهرمان اوکراینا خالقین‌دا ایللوزییالار یارانیر کی، بو سانکسیالارلا روسیانی چؤکدورمک ممکن اولاجاق».