۲-جی قارگین کؤنوللو اولاراق سوبایلیق آندینی پوزوب و اؤلادی وار. بو فاکتدیر و اگر ۲-جی قارگین بونو انکار ائتمه‌یه چالیشسا، من بونو لازیمی فورماتدا ثبوت ائد‌جه‌م.

Axar.az خبر وئریر کی، بو سؤزلری ارمنستان باش ناظری نیکول پاشنیان سوسیال شبکه حسابیندا ارمنی کاتولیکوس ۲-جی قارگین حاق‌دا قید ائدیب.

«بونا اساساً، ارمنی آپوستول کیلسه‌سینین کانون قانونونا گؤره ۲-جی قارگین یپیسکوپ، آرخیپیسکوپ اولا بیلمز، سئچیله بیلمز، کاتولیکوس اولا بیلمز. کتریچ نرسیسیان پاتریارخلیغی بوشالتمالیدیر.

ارمنی آپوستول کیلسه‌سینین صادق داوامچی‌سی کیمی، معنوی ارثیمیزین هر بیر دیرینه، هر بیر یادیگاری، هر بیر صورتینه و داشینا حرمتله یاناشان شخص کیمی قید ائدیره‌م: ارمنی آپوستول مقدس کیلسه‌سینین یئنی سئچیلمیش کاتولیکوسو اولمالیدیر، اونون یاخشی داورانیشی کاتولیکوسلوق سئچکیلرینه قدر یوخلانیلاراق تصدیق‌لنه‌جک.

من ارمنی آپوستول مقدس کیلسه‌سینین صادق داوامچیلارینی پاتریارخلیغین محبتله و خریستیان طرزده آزاد ائدیلمه‌سی و بوتون ارمنی کاتولیکوسو اولاراق حقیقتاً مقدس بیر روحانینی سئچمک گونده‌می اطرافیندا بیرلشمه‌یه چاغیریرام»، - پاشینیان بیلدیریب.

قید ائدک کی، ارمنی مئدیاسی بو پوستو «پاشینیان کیلسه‌یه قارشی محاربه‌یه چاغیردی» باشلیغی ایله یاییب.

بوندان اؤنجه پاشینیان کیلسه خادمینین «سوبایلیق آندینی» پوزدوغونو بیلدیرسه ده، اونون کیملیینی آچیقلامامیشدی.