ایرانین بوراخدیغی راکئتلرین ۲۵%-ی هاوا هجومون‌دان مدافعه سیستملری طرفین‌دن ضررسیزلشدیریلمه‌ییب. تهران اؤتن گئجه‌دن بری اسرائیله قارشی بیر نئچه مرحله‌ده تخمیناً ۲۰۰ بالیستیک راکت آتیب. راکتلرین اکثریتی هاوا هجوموندان مدافعه سیستملری طرفیندن وورولوب.

Axar.az خبر وئریر کی، بونو «تایمس اوف اسرائیل» حربچیلره استنادا یازیب.

اوردونون معلوماتینا گؤره، تخمیناً ۲۵% - ۵۰-دن آز راکت «پروتوکولا اویغون اولاراق» قارشیلانماییب و بو دا اونلارین آچیق اراضیلره دوشمه‌سینه سبب اولوب. بونونلا بئله، بو هجوملار کریتیک اینفراستروکتورا زیان وورماییب.

اسرائیل مدافعه اوردوسونون معلوماتینا اساساً، آز سایدا راکت هاوا هجومون‌دان مدافعه سیستمینی کئچه‌رک تل-اویو، رامات-گان و ریچون-له-سیونون مرکزی حیصه‌لرین‌ده‌کی یاشاییش محله‌لرینه دوشوب، نتیجه‌ده تلفات و داغینتیلار قیده آلینیب.

سون معلوماتا گؤره، راکت هجوملاری نتیجه‌سین‌ده ۳ اسرائیللی حیاتینی ایتیریب، تخمیناً ۷۰ نفر ایسه یارالانیب.

حربی رهبرلیک بیلدیریر کی، بوتون حربی بازالار، او جمله‌دن هاوا بازالاری نورمال رژیم‌ده فعالیتینی داوام ائتدیریر و اونلارین ایش قابیلیتینه ضرر دیمه‌ییب.