ایران اسرائیلین احتیاطلارینی محو ائتمه‌دن حاصیل ائتدیی نفتی تعجیلی شکیلده اخراج ائتمه‌یه چالیشیر.

Axar.az خبر وئریر کی، بو باره‌ده «بلومبرگ» نشری پیک گؤرونتولرینه استنادن یازیب.

قید اولونور کی، ایران نفتینین اساس حیصه‌سی فارس کؤرفزینده یئرلشن خارک آداسینداکی نفت ترمینالی واسطه‌سیله اخراج اولونور. آدادا یئرلشن آنبارلار «اوز‌ن» داملا تجهیز اولونوب. آنبار نفتله دولدوقدا دام یوخاری قالخیر، بوشالدیقدا ایسه آشاغی ائنیر:

«۱۱ ایون تاریخلی پیک گؤرونتولرینده دئمک اولار کی، بوتون ایری آنبارلارین داملارینین آشاغی وضعیت‌ده اولدوغو – یعنی آنبارلاردا چوخ آز نفت قالدیغی گؤرونور. اما ۱۸ ایون تاریخلی شکیللرده ایسه دئمک اولار کی، بوتون داملارین ان یوکسک وضعیت‌ده اولدوغو - آنبارلارین تام دولدوغو مشاهیده اولونور».

نشر بو وضعیتی بئله ایضاح ائدیر:

«ایران اؤلکه‌نین داخیلی بؤلگه‌لریندن ممکن قدر چوخ نفتی دنیزده‌کی تانکرلره اؤتورمه‌یه چالیشیر و خارک آداسینداکی نفت آنباری بو پروسس‌ده آرالیق منطقه رولونو اویناییر. اگر نفت اوکیان تانکرینه یوکلنه بیلسه، بو، تهرانا هله بیر مدت مالیه آخینینین داوام ائتمه‌سینی تعمین ائد‌جک.

TankerTrackers.com سایتینین معلوماتینا گؤره، اسرائیلین ایرانا ضربه‌لر ائندیرمه‌یه باشلادیغی بئش گون عرضینده ایرانین گونده‌لیک نفت اخراج حجمی اولکی نورمایلا مقاییسه‌ده ۴۴% آرتیب.

خارک آداسینداکی نفت ترمینالی اسرائیلین ممکن ضربه‌سی اوچون حساس هدف اولدوغوندان، نفت تانکر گمیلری آدایا یاخینلاشماقدان چکینیرلر. یالنیز اونلارین یوکله‌نمه نوبه‌سی چاتاندا سرعتله ترمینالا یاخینلاشیرلار و اورادا ممکن قدر آز واخت کئچیرمه‌یه چالیشیرلار».