اسرائیل ایرانی تام ایفلیج وضعیتینه سالیب، اما تهران «صهیونیستلرین آختاریشی» آرازین بو تایین‌دا - آذربایجان‌دا آپاریلیر. بئله «آختاریشلار» ایلک دئییل، داها اؤنجه اسرائیل سوریادا ایرانین مؤقعلرینی «اوولایان‌دا» دا، دمشقده‌کی کنسوللوق بناسینی یئرله-بیر ائد‌ن‌ده ده، درونلاری تیر-لارلا ایرانا داشییب، خصوصی عملیات کئچیرنده ده سپاه، اطلاعات و دیگر قوروملار آرازین ساحلینده «اینه آختاران» کیمی «دشمن» آختاریشینا چیخمیشدی. ایندی ده اسرائیل غالب بیر طرفده، ایران‌دا آذربایجانا قارشی اتهاملار ایر‌لی سورولور. و بو هئچ ده تصادفی دئییل، چونکی اسرائیل قارشی‌سیندا فاکتیکی اولاراق چیخیلماز وضعیتینه دوشه‌ن ایران حاکمیتی بوتون بو مغلوبیتینه بهانه تاپمالی‌دیر. ایندییه قدر ایرانین قدرتیندن، اسرائیلی بیر گئجه‌ده یئر اوزوندن سیله‌جکلریندن دانیشان سپاه، اطلاعات بیر گئجه‌ده «اووا» چئوریلدی.
حقیقتا ایران اوچون دهشتلی وضعیتدیر. اراضی و رسورس باخیم‌دان ایراندان قات-قات کیچیک اولان اسرائیل ۱۹۰۰ کیلومتر اوزاقلیق‌دان گلیر، بیر گئجه‌ده ایرانین بوتون حربی رهبرلیینی سیرادان چیخاریر، هوا مکانینی نظارته گؤتورور، راکتلرینی، نووه اوبیکتلرینی، نووه عالملرینی، بیر سؤزله حربی پتنسیالینی یئرله-بیر ائدیر. و بوتون بونلار باش وئررکه‌ن، ایرانین حربی رهبرلیی - گنراللاری یاتاقلارین‌دا راحت شکل‌ده یاتیردیلار، اسرائیل ده اونلاری ائله یاتدیقلاری یئرده اؤلدوردو. بو، ایران حاکمیتی آدینا حقیقتا ده اوتانج‌وئریجی حال‌دیر.
اسرائیل بیر گئجه‌ده ایرانی نئجه ایفلیج ائده بیلدی؟
بو سوال هله چوخ مذاکره اولوناجاق، تکجه دنیادا یوخ، ائله ایرانین اؤزونده ده. ایران خالقی حاقلی اولاراق سواللار وئریر: هانی ایرانین قدرتی، هاردادیر گنراللار، اسرائیل هجوما کئچرکه‌ن، سپاه، اطلاعات، بیر سؤزله اؤلکه‌نین تهلوکه‌سیزلییندن مسئولیت داشییانلار هارادا ایدیلر؟ بو سوالین جوابی اورتادادیر.
بیرینجی‌سی، اسرائیل اوزون ایللر عرضینده ایران‌دا گئنیش جاسوس شبکه‌سی قورا بیلیب: بو شبکه اؤلکه‌نین ان آشاغی سوییه‌سیندن توتموش، ان یوخاری سوییه‌سینه قدر هر یئری احاطه ائدیر. هله حماس لیدری اسماعیل هنیه ایران‌دا ایناگوراسییا مراسمینده اشتراکی زمانی قالدیغی هتل‌ده نقطه آتیشی ایله اؤلدوروله‌نده اسرائیلین بو اؤلکه‌ده تأثیر امکانلارینین هانسی سوییه‌ده اولدوغو اورتایا چیخمیشدی. عینی سسناری ایرانین حربی رهبرلیینه قارشی ده تطبیق اولوندو. باش قرارگاه رئیسی، سپاه کومان‌دانی، عالی دینی لیدرین قرارگاه رئیسی بئله نقطه آتیشی ایله هنیه‌نین طالع‌یینی یاشادی.
ایکینجی‌سی، ایرانین حربی و نووه اوبیکتلرینی، عمومی‌لیکده مدافعه صنایع‌سینی سیرادان چیخاران ضربه‌لر باشقا یئرده یوخ، محض اؤلکه‌نین داخلیندن ائندیریلیب، داها اؤنجه باش وئردیی کیمی. بونون نئجه باش وئردیی ایران رسمیلری طرفیندن ده اعتراف ائدیلیر.
اسرائیل ایران‌دا - تهرانین مرکزینده مختلف آدلار آلتین‌دا صنایع موسسه‌لری قوروب. درونلارین استحصالی اوچون لازم اولان ماتریاللار ایرانا سرحددن - ایرانین سرحد و گمرک خدمتینین گؤزو قارشی‌سیندا کئچیریلیب، داها سونرا همین موسسه‌لرده پوا-لار استحصال ائدیلیب. و هجوم باشلایان‌دا باشقا اؤلکه‌دن یوخ، محض ایرانین اؤزوندن - تهرانین مرکزیندن هوایا قالخان پوا-لار سارسیدیجی ضربه‌لر ائندیریب.
حتی وضعیت او حده چاتیب کی، اؤلدوروله‌ن حربی رهبرلیین یئرینه تعیین اولونان یئنی گنراللار هئچ ایکی گون کئچمیر کی، یئنی‌دن اسرائیل طرفیندن سیرادان چیخاریلیر. بوتون بونلار ایران حاکمیتینین ۴۶ ایلدیر خالقینا و بوتون دنیایا بحث ائتدیی «گوجونون» ساده‌جه هوا شاریندان باشقا بیر شی اولمادیغینی تصدیق ائدیر. ایران خالقی دا محض بونون جوابینی سوروشور. حاکمیت - سپاه، اطلاعات، عمومیتله ایرانین کشفیات و تهلوکه‌سیزلیک ارگانلاری جواب وئرمه‌لیدیر. یا اؤز باجاریقسیزلیقلارینی، مسئولیت‌سیزلیکلرینی اعتراف ائتملیدیرلر، یا دا...
ایران حاکمیتی اؤز ضعیف‌لیکلرینی اؤرت-باسدیر ائتمک اوچون ایکینجینی - یئنی دشمن اوبرازینین یارادیلماسینی سئچیر. آذربایجانا قارشی ایر‌لی سوروله‌ن اتحاملار دا محض بوندان قایناقلانیر. گویا ایرانا ضربه ائندیرن اسرائیل درونلاری استحصال اولونوبموش، گویا ایران‌داکی آگنتورا شبکه‌سینی آذربایجان اداره ائدیرمیش و سایر و ایلاخیر. حالبوکی، بونونلا باغلی هئچ بیر فاکت تقدی ائده بیلمیرلر. آذربایجان محاربه‌نین باشلاندیغی ایلک گوندن نیترال موقعیینی رسمی شکل‌ده اورتایا قویدو. خارجی ایشلر ناظیری جیحون بایراموو ایرانلی همکراری عباس عراقچی ایله تلفن صحبتینده آذربایجاندان نه‌اینکی ایرانا، عمومیتله هئچ بیر اؤلکه‌یه قارشی استفاده ائدیلمیین ممکون اولمادیغینی ایضاح ائتدی. بونونلا یاناشی، ایران‌دا اسرائیل درونلارینین استحصال اولوندوغو موسسه‌لر آشکارلانیر، پوا-لار داشییان تیر-لار ساخلانیلیر، آگنتورا شبکه‌سی افشا ائدیلیر. او زمان سوال یارانیر: اسرائیل ایرانین مرکزینده «آت اوینادیر»، بونون گناهکاری نیه آذربایجان اولمالی‌دیر؟ چونکی ایران گوج ایستروکتورلاری دوشدویو آجیناجاقلی وضعیتین مسئولیتیندن یایینماق اوچون گناهکاری باشقا یئرده - آرازین ساحلینده آختاریرلار.
آذربایجانا قارشی بوتون قارایاخمالارین روپورو رولوندا چیخیش ائد‌ن «سحر» تله‌کانالینین ده بئله ادعالارا قوشولماسی آنتی-آذربایجان کامپانییاسینین یئنی دالغاسینین باشلانماسی و بونون ایران رهبرلیی سوییه‌سینده اداره اولونماسی دئمکدیر.
بوتون بونلار هئچ بیر نتیجه وئرمه‌یه‌جک، چونکی آذربایجان اؤزونو همیشه اولدوغو کیمی لیاقتله آپاریر. آذربایجان ایران دئییل کی، قونشوسو، اؤزو ده مسلمانلارین یاشادیغی اؤلکه‌یه قارشی محاربه‌ده هانسی‌سا فورمادا ماراقلی اولسون. ایران ۴۴ گونلوک محاربه زمانی آذربایجانا قارشی ائتدیکلری ایله نئجه بیر اؤلکه اولدوغونو، نه قونشولوق، نه اسلام دیرلرینی سایدیغینی نماییش ائتدیرمیشدی.
هئچ کیم هئچ نیی اونوتماییب. ایران ۴۴ گونلوک محاربه زمانی ارمنیستانی سلاحلاندیریردی. روسیادان گؤندریله‌ن سلاح-سورسات ایرانین هوا یولو و رشت لیمانی ایله داشینیردی. محاربه ۲۷ سنتیابردا باشلاسا دا، ایران آذربایجان‌دا ایلک تماسینی اوکتیابرین ۶-دا ساخلادی. بونون دا مقصدی ارمنیستانین خیرینه و آذربایجان تورپاقلارینین اشغال‌دا قالماسی حسابینا آتشکسین الده اولونماسی مقصدی داشییردی. همین واخت ایرانین خارجی ایشلر ناظیرینین معاونی اولان عباس عراقچی باکی و ایروانا سفر ائد‌رک، تکلیفلر گتیرمیشدی. بو تکلیفلر ده حربی عملیاتلارین دایاندیریلماسیندان عبارت ایدی. ایران عینی مقصدله محاربه میدانین‌دا دا حرکت ائدیر، حرب‌چیلری واسطه‌سیله زنگیلان‌دا آذربایجان اردوسونون قارشی‌سینی کسمه‌یه جهد گؤستریردی. ایران مدیاسین‌دا ایسه آذربایجان بیر نمره‌لی هدف سئچیلمیشدی و اؤلکه‌میزه قارشی چیرکین کامپانییا آپاریلیردی. سوریادان یاراقلیلارین گتیریلدیی، ایشید ترورچولارینین آذربایجان طرفیندن ووروشدوغو ادعاسی ارمنیستان مدیاسی قدر ایران مدیاسی و سوسیال مدیا سگمنتی طرفیندن قاباردیلیردی.
بوتون بونلاری اونوتمامیشیق. آذربایجان ایران دئییل، بو گون باش وئرن محاربه‌ده رسمی باکینین سرگیلدیی مؤقع ده بونو اثباتلاییر. ایران ۴۴ گونلوک محاربه‌ده آذربایجانا قارشی دشمن سیاستی آپاردیغی کیمی، بو گون ده اسرائیل قارشی‌سیندا دوشدوکلری بیابیرچی وضعیتدن چیخماق اوچون یئنه باکییا «هجوما کئچمه‌یه» جهد ائدیرلر. گولمه‌لیدیر، چونکی درونلارین ۸۰-۹۰ فایزی ائله ایران اراضی‌سیندن قالخیب. تهلوکه‌سیزلیین ان یوکسک سوییه‌ده تامین اولوندوغونو ادعا ائد‌ن ایرانین تهلوکه‌سیزلیک ارگانلاری ائله بو اؤلکه‌نین اراضی‌سینده درونلارین استحصال ائدیلدیی، ساخلاندیغی و قالدیریلدیغی فاکتلارینی نئجه ایضاح ائده بیلرلر؟ نیه بونون مسئولیتی باره‌ده کیمسه دانیشمیر؟؛ بوتون بونلارا جواب وئرمک عوضینه، ایران‌دا بعضیلری مسئولیتی اوزریندن آتماق و آذربایجانی هدفه چئویرمه‌یه چالیشیرلار. گؤرونور، ایران‌دا آذربایجانی دا اؤز معنوی پریزمالارین‌دان قیمتلندیریب دوشونورلر کی، بیز ده ۴۴ گونلوک محاربه‌نین آجیغینی چیخیریق. خیر، بیز ایران دییلیک. و ایران‌دا آذربایجانا قارشی اوینانیلان بو اویون باش توتمایاجاق. ایران خالقی دا آرتیق هر شیی گؤرور و باشا دوشور. ایران حاکمیتی هر شی‌دن اؤنجه ایران خالقی قارشی‌سیندا جواب وئرمه‌لیدیر.
