مجاریستانا ایشگزار سفر چرچیوه‌سین‌ده آذربایجانین خاریجی ایشلر ناظری جیحون بایرامووو بو اؤلکه‌نین پرزیدنتی تاماس سولیوک قبول ائدیب.

Axar.az خبر وئریر کی، بو باره‌ده آذربایجان خاریجی ایشلر ناظرلییی معلومات یاییب.

بیلدیریلیب کی، گؤروش ایکی طرفلی امکداشلیغین دینامیک گونده‌لییی اوزره فکر مبادیله‌سی آپارماق و سون ایللرده الده اولونان ایرلیلییشی دیرلندیرمک اوچون اهمیتلی بیر پلاتفورما یارادیب.

طرفلر تجارت، اینوستیسیا، انرژی تهلوکه‌سیزلییی، یاشیل تکنولوگیالار، نقلیات علاقه‌لی‌لییی، تحصیل و مدنی مبادله کیمی اساس ساحه‌لر اوزره ایستراتژی طرفداشلیغین گئنیشلندیریلمه‌سینی مذاکره ائدیبلر.

آذربایجان و مجارستان آراسین‌دا قارشی‌لیقلی فایدالی علاقه‌لرین گوجلندیریلمه‌سینده داواملی سیاسی دیالوگون و یوکسک سویه‌لی تماسلارین اهمیتی وورغولانیب.

رگیون‌داکی پوست-مناقشه رئال‌لیقلاری، ارمنستان ایله نورماللاشما پروسسی، ائلجه ده آذربایجانین آزاد ائدیلمیش اراضیلرینده حیاتا کئچیریلن برپا و یئنی‌دنقورما ایشلرینه ده توخونولوب.

طرفلر رگیونال و چوخطرف‌لی چرچیوه‌لرده گئنیشلنه‌ن امکداشلیغی وورغولایاراق ایکی اؤلکه آراسیندا علاقه‌لرین داها دا انکشاف ائتدیریلمه‌سی استقامتینده اورتاق عهده‌لییی قید ائدیبلر.