ارمنستان باش ناظری نیکول پاشینیان آمریکا پرزیدنتی دونالد ترامپین باکی‌دا حبس‌ده اولان قاراباغداکی کئچمیش قوندارما رژیمین «دولت ناظری» روبن واردانیانلا باغلی تکلیفینی رد ائدیب.

Axar.az خبر وئریر کی، بو باره‌ده «هراپاراک» قزئتی یازیب.

«روبن واردانیانین عائله‌سی و دوستلاری اونون آزادلیغا چیخماسی اوچون اللریندن گلنی ائدیرلر. نفوذلو ارمنی فیگورلاری ترامپین قیزینین اری ایله علاقه ساخلاییب، دانیشیقلار آپاریبلار. آمریکا لیدری ایروانین بو باره‌ده تکلیفینه مداخله ائتمه‌یه راضیلاشیب. بو مسئله ارمنستانین آمریکاداکی سفیری لیلیت ماکونتس واسطه‌سیله پاشینیانا چاتدیریلیب. آغ ائو رهبرینین رسمی اساسینین اولماسی اوچون ساده‌جه بیر کاغذ پارچاسی لازیم ایدی، لاکین رد ائدیلیب»، - دئیه نشر بیلدیریب.

«هراپاراک» قید ائدیب کی، پاشینیان بئله بیر سندین ارمنستان–آذربایجان صلح مقاویله‌سینین امضالانماسینا مانع اولاجاغینی وورغولاییب.