ساکیت اوکیان‌دا باش وئرن گوجلو زلزله سببین‌دن هاوای آدالارینین ساکینلری اوچون سونامی خبردارلیغی قوه‌ده‌دیر.

Axar.az خبر وئریر کی، بو باره‌ده آمریکا پرزیدنتی دونالد ترامپ بیلدیریب.

ترامپ آلیاسکا و آمریکانین ساکت اوکیان ساحللری اوچون ده سونامی خبردارلیغینین قوه‌ده اولدوغونو قید ائدیب، بونونلا یاناشی، یاپونییانین دا تهلوکه آلتیندا اولدوغونو وورغولاییب.

آمریکا سونامی خبردارلیق مرکزی ایسه خبردارلیق ائدیب کی، ساکیت اوکیان‌دا باش وئرن گوجلو زلزله سببیندن هوندورلویو ۳ متردن یوخاری اولان سونامی دالغالاری حتی جنوبی آمریکایا، اکوادور و شیلی ساحللرینه چاتا بیلر.

قید اولونوب کی، یاپونییا و هاوای‌دا صلاحیت‌لی قوروملار انسانلارین ساحلیانی بؤلگه‌لردن یوکسک‌لیکده یئرلشن اراضیلره تعجیلی تخلیه ائدیلمه‌سینین واجیبلیینی اعلان ائدیب. خصوصیله، ۲۰۱۱-جی ایلین مارتین‌دا باش وئرمیش داغیدیجی سونامی زمانی جدی زدلنمیش یاپونییانین «فوکوشیما» اتم الکتریک ایستانسییاسینین شخصی هیئتی تخلیه ائدیلیب.

قید ائدک کی، روسیانین کامچاتکا ساحللرینده گوجلو ۸،۷ ماقنیتودالی زلزله باش وئریب.