بین‌الخالق آکتورلار آذربایجان و ارمنیستان آراسین‌دا زنگزور دهلیزینین آچیلماسی ایله باغلی راضیلیغا گلیبلر.

Axar.az خبر وئریر کی، بونو ارمنی پولیتولوق گریگور بالاسانیان دئییب.

اکسپرت بیلدیریب کی، دهلیزین آچیلماسی ارمنیستان-آذربایجان صلح سازشی چرچیوه‌سیندن کناردا راضیلاشدیریلیب:

«سون حادثه‌لر یوللارین آچیلماسی مسئله‌سینین اصلینده ارمنیستان-آذربایجان صلح سازشی ایله هئچ بیر علاقه‌سی اولمادیغینی گؤستریر. ایلکین اولاراق، یوللارین آچیلماسی مسئله‌سینه تام باشقا کونتکستده باخیلیردی. اما آذربایجان سونرادان ۱۰ نویابر اوچ‌طرفلی بیاناتیندان کناردا یئنی شرطلر ایر‌لی سورمه‌یه باشلادی. بو طلبلره ۳۰۰ مین آذربایجانلینین گئری قایتاریلماسی، ارمنیستانین ۱۵۰ میلیارد دلار تضمینات اؤد‌مه‌سی، همچنین کونستیتوسییایا علاوه و دییشیکلیکلرین حیاتا کئچیریلمه‌سی داخل‌دیر. باکی دانیشیقلار پروسسینی مهارتله دییشدی. ایندی آرتیق گؤرونور کی، بین‌الخالق اویون‌چولار ارمنیستان-آذربایجان مناسبتلرینین نرماللاشدیریلماسی پروسسیندن کناردا دهلیز مسئله‌سینده راضیلیغا گلیبلر».

بالاسانیان وورغولاییب کی، زنگزور دهلیزینه نظارت ارمنیستان‌دا اولمایاجاق: «آذربایجان پرزیدنتی ایلهام علیئوین آردیجیل طلبلری نتیجه‌سینده بو مسئله دانیشیقلار پروسسینین مرکزی المنتینه چئوریلیب».

اکسپرت علاوه ائدیب کی، ایروان بوندان اول دفعه‌لرله «قبول‌ائدیلمز» اولدوغونو بیان ائتدیی باکینین بو طلبینی ده قبول ائدیب.