قونشولارلا، رگیون دولتلری ایله مناسبتلرین و امکداشلیغین گئنیشله‌نمه‌سینه هرطرف‌لی پریزمادان باخساق، اؤلکه‌نین شمال-غربین‌ده سرحد مسئله‌سی کیمی داها خیردا مسئله‌لردن ناراحات اولماغا دیمز.

Axar.az خبر وئریر کی، بونو ایران پرزیدنتی مسعود پزشکیان دئییب.

"بیز قونشولارلا مناسبتلریمیزی سرحد مانعه‌لرینین آرادان قالدیریلماسی و اقتصادیاتلاریمیزی گئنیش شکیل‌ده بیرلشدیرمک و علاقه‌لندیرمک کونتکستینده گؤرملیییک؛ حساس‌لیغی آزالتمالی و کونستروکتیو قارشی‌لیقلی علاقه‌لری گئنیشلندیرمک باره‌ده دوشونملیییک"،- او علاوه ائدیب.

ایرانین بعضی مئدیا اورگانلاری پرزیدنتین بو بیاناتینین اؤلکه‌نین شمال-غرب سرحدلرینده «زنگزور» دهلیزی ایله باغلی قالدیریلان مذاکره‌لره جواب اولدوغو باره‌ده یازیبلار.

قید ائدک کی، ایکی گون اول ایران پارلامنتینین ملی تهلوکه‌سیزلیک و خاریجی سیاست کمیسییاسینین عضولری پرزیدنت مسعود پزشکیانلا بیرگه کئچیردیکلری اجلاس‌دا ایرانین خاریجی سیاست پریوریتتلرینی، او جمله‌دن آذربایجانلا مناسبتلرین ایندیکی وضعیتینی مذاکره ائدیبلر.

گؤروش‌ده بعضی قونشو اؤلکه‌لرله، خصوصیله ده آذربایجانلا مناسبتلرین یئنی‌دن نظردن کئچیریلمه‌سی ضرورتی وورغولانیب. بعضی ملت وکیللری زنگزور دهلیزینی ده نظرده توتاراق قید ائدیبلر کی، ایرانین خاریجی سیاستینده‌کی «قیرمیزی خطلرینه» رعایت ائدیلمه‌لی و بو چرچیوه‌ده آذربایجانلا مناسبتلر دوزگون فورمادا تنظیمله‌نمه‌لیدیر.