آمریکا آدمینیستراسیاسینین اوکراینانی سلاحلاندیرماق و روسیایا قارشی سانکسیالارلا حده‌له‌مکله مسکوایا تضییق ائتمک کیمی یئنی سیاستی پرزیدنت دونالد ترامپین روسییا لیدری ولادیمیر پوتینین یاراتدیغی تهلوکه‌نی درک ائتدیینی گؤستریر، لاکین بو، صلحو تعمین ائتمک اوچون کفایت دئییل.

Axar.az خبر وئریر کی، بونو آمریکانین اوکرایناداکی کئچمیش سفیری جون هربست بیلدیریب.

هربست قید ائدیر کی، ترامپین آددیملاری پوتینی دانیشیقلار ماساسی آرخاسینا اوتورماغا و صلح سازیشی ایمضالاماغا مجبور ائتمه‌یه‌جک، چونکی اونون مقصدی دییشمز قالیر - اوکراینا اراضی‌سین‌ده داها دا ایرلیلییشلر ائتمکله سیاسی نظارته نایل اولماق.

بونا گؤره ده کئچمیش سفیر حساب ائدیر کی، ترامپ آدمینیستراسییاسی اوولکی پرزیدنت جو بایدنین کومانداسینین نمایش ائتدیردیی مرحله‌لی و خصوصی یاناشمادان امتنا ائتمه‌لی و روسیا قوشونلارینین ایرلیلییشینی دایاندیراجاق، روسیا اقتصادیاتینی ضعیفله‌ده‌جک و اوکراینانین نه‌اینکی اؤزونو مدافعه ائتمک قابیلیتینی گوجلندیره‌جک، هم ده بونو داها افکتیو ائتمک اوچون اوزون مدت‌لی ایستراتگییا حاضرلامالی‌دیر.

بو مقصدله هربست ایلک نوبه‌ده اوکراینانین هوا هجمون‌دان مدافعه احتیاجلارینی اؤد‌مه‌یه، او جمله‌دن اونو داها چوخ «پاتریوت» باتاریالاری و اهمیت‌لی درجه‌ده داها چوخ افکت‌لی راکتلرله تعمین ائتمه‌یه چاغیریب. لاکین اونون سؤزلرینه گؤره، اساس عملیات مقصدی روسییانین دؤیوش میدانین‌دا داها دا ایر‌لیله‌مه‌سینه مانع اولماقدیر.