۱۲:۵۹

ایرانین جنوب-شرقین‌ده یئرلشن سیستان و بلوچستان ایالتینین زاهدان شهرین‌ده محکمه بیناسینا سلاحلی هجوم ائدیلیب.

Axar.az خبر وئریر کی، بو حاقدا ایران مئدیاسی معلومات یاییب.

معلوماتا گؤره، هجوم نتیجه‌سین‌ده محکمه ایشچیلری و حرب‌چیلر ده داخیل اولماقلا ۵ نفر هلاک اولوب، ۱۳ نفر یارالانیب.

رسمی معلوماتلاردا ۳ سلاحلی هجومچونون دا هلاک اولدوغو بیلدیریلیب.

"جیش العدل" سلاحلی گروپلاشماسی هجومون مسئولیتینی اؤز اوزرینه گؤتوروب.

حادثه شاهدلرنین سؤزلرینه گؤره، محکمه بیناسی اطرافیندا گوجلو پارتلاییش سسلری ائشیدیلدیک‌دن سونرا، سلاحلیلار بینانین ایچری‌سینده آتش آچیبلار.

اؤلو و یارالی سایینین آرتاجاغی احتمال اولونور.

***

ایرانین سیستان-بلوچستان ایالتینین زاهدان شهرین‌ده محکمه بیناسینا سلاحلی هجوم نتیجه‌سینده اؤلنلرین سایی ۶-یا چاتیب.

بو باره‌ده "تسنیم" آگئنت‌لییی معلومات یاییب.

بون‌دان باشقا، ۲۲ نفرین یارالاندیغی بیلدیریلیر.

هلاک اولان و یارالانانلارین اکثریتی ملکی شخصلردیر، اونلارین آراسیندا بیر قادین و بیر اوشاق دا وار.