آمریکا عالیملری آسپیرینین تهلوکلی خصوصیتینی آشکار ائدیبلر. اونلار بیلدیریبلر کی، آسپیرین یوغون باغیرساقدا یئنی بدخاصه‌لی تؤره‌مه‌لرین اینکیشافینین قارشی‌سینی آلماقلا برابر، خرچنگ حجیره‌لرینین تکامول پوتنسیالینی آرتیریر.

نتیجه‌ده پرپاراتین تأثیرینه معروض قالمایان خرچنگ حجیرلری ایله مقاییسه‌ده بئله حجیره‌لر چوخسایلی متاسییالارا اوغراییر. بئله چیخیر کی، درمان واسطه‌لرینه داواملی اولان خرچنگ حجیره‌لرینین پایی آسپیرین اوزوندن آرتیر.

آخار.آذ خبر وئریر کی، عالیملر لابوراتورییا اکسپریمنتلری گئدیشینده بو قناعته گلیبلر.

تدقیقاتلارین آرتان حجمی گؤستریر کی، بئش ایل عرضینده هر گون آز میقداردا آسپیرین قبول ائتمک گله‌جکده خرچنگین اینکیشاف ریسکینی آزالدیر. مثلاً، یوغون باغیرساقدا بدخاصه‌لی تؤره‌مه‌لرین عمله گلمه‌سی احتیمالی آزالیر.

آمریکادا یاشلی اهالینین تقریباً ۵۰ فایزی اورک-دامار خسته‌لیکلرینین پروفیلاکتیکاسی مقصدی ایله هر گون ۸۰-۳۲۵ میللیگرام آسپیرین قبول ائدیر. بؤیوک بریتانییادا بو گؤستریجی ۴۰ فایز تشکیل ائدیر.

داها اول آمریکالی تدقیقاتچیلار بیلدیرمیشدیلر کی، آزایمر خستلیینین مالیجه‌سینده ده آسپیریندن ایستیفاده ائتمک اولار.