چوخوموز ائله حساب ائدیریک کی، ساچلارین سشوارلا قورودولماسی اونلارا جدی زیان وورور، تؤکولمه‌سینه سبب اولور.

بو سبب‌دن حتی، اکثر متخصصلر ساچلاری طبیعی شکیل‌ده قوروتماغی توصیه ائدیرلر.

لاکین بریتانییا عالیمی تیم مور آراشدیرما زامانی ثبوت ائدیب کی، عکسینه سشوارلا ساچلاری قوروتماق طبیعی شکیلده قوروتماقلا مقاییسه‌ده ساچلارا داها آز زیان وورور.

عالیمین فیکرینه گؤره، دوزگون مسافه‌ده و لازیم اولان حرارت‌ده ساچلاری سشوارلا قوروتماق زیان‌لی دئییل. سویون تأثیری نتیجه‌سینده ساچلار ضعیفلییر و بو تأثیر نه قدر چوخ اولارسا، ساچلار داها دا چوخ ضعیفله‌یه‌جک. بو سبب‌دن ساچلارین تئز بیر زامان‌دا قوروماسی چوخ واجیب‌دیر.

سشوارلا قورودان‌دا آشاغی حرارتدن باشلایین و سونرا ساچلار قوروماغا باشلایان‌دا حرارتی بیر قدر آرتیرین. سشواری ساچلارا چوخ یاخین مسافه‌ده توتمایین.