آنا صحیفه ساغلیق |
درمان چاتیشمازلیغی و معالیجه سیستمیندهکی قصورلار نتیجهسینده ۶۰ خسته دونیاسینی دییشیب.
بو سؤزلری تالاسمییا تشکیلاتینین رئیسی یونس عرب دئییب.
«کئچهن ایل ۹۰-آ یاخین تالاسمییا خستهسی اؤلوب. بو ایل گؤستریجی ۶۰-آ دوشوب. حالبوکی، ایستاندارت درمانلار و معالیجه اونلارین اؤلومونون قارشیسینی آلا بیلردی. اگر بو چاتیشمازلیقلاری جدی قبول ائتمسک، اؤلوملر آرتاجاق. بو چاتیشمازلیقلارین نه قدر جدی اولدوغونو بیلدیرسک ده، هئچ بیر تأثیری یوخدور».
او، صحیه ناظری سعید نمکینین آدینی چکمهدن دئییب:
«اگر بیر مسئول جوابدهلیک داشییا بیلمیرسه، مسئولیت قبول ائتمهمهلیدیر. اوندان یوکسک مقام دئییر کی، بو بودجه و ایمکانلارلا ایشلهمهلیسهن. بئله اولان حالدا مسئولیتی او شخص قبول ائدیر کی، باش اوسته دئییب سسسیز قالیر».
اونون سؤزلرینه گؤره، اؤنجکی صحییه ناظری آزی بو مسئلهده سس-کوی سالیردی، آنجاق سوندا بو ایمکانلارلا خالقا جواب وئره بیلمیجیینی گؤروب، ایستعفا وئردی.
تاریخ
2019.12.11 / 17:34
|
مولف
Axar.az
|