زنجان اوستانین‌دا ۷ نفر آنفلوانزا ویروسون‌دان حیاتینی ایتیریب.

بو باره‌ده زنجان اوستانی تیبب علملری اونیورسیتتینین رئیسی پرویز قیزیلباش معلومات وئریب.

«آنفلوانزا واکسینینین وورولماسی اوچون ان مناسیب واخت سنتیابرین سونلاریدیر. ضعیف اینسانلار اوچون توصیه اولونور. گؤزلدییمیز کیمی، آنفلوانزا ویروسو ۲ هفته اؤنجه‌دن اوستان‌دا یاییلماغا باشلاییب و ۲۵ فایز گئنیشلنیب. اوستان‌دا ۲۹۰ نفر آنفلوانزا سببین‌دن خسته‌خانالارا آپاریلیب. ۵۵ نفرین آنالیزینین جوابی مثبت چیخیب. اونلاردان ۷-ی حیاتینی ایتیریب. دیگرلرینده ده آنفلوانزا ویروسونون علامتلری آشکارلانیب».