دوزگون اؤلچوسو اولمایان و یا سیخ الاستیک جورابلار گئیینمک آیاق بیلیینده ایزلره سبب اولا بیلر.

Kult.az خبر وئریر کی، متخصصلر بونونلا باغلی خبردارلیق ائدیبلر.

بو جور جورابلار درییه تضییق گؤستریر، قان دؤورانینا مانعه یارادیر، بو دا درینین قیجیقلانماسینا، حتی خورالارا سبب اولور. اوزون مدت دار جوراب گئیینمک بئله پروبلملری داها دا آرتیریر.

اگر جوراب آیاق بیلیین‌ده ایزلر قویورسا، بونا بیر نئچه فرق‌لی خسته‌لیک سبب اولا بیلر.

بونلاردان ان اساسی اورک خسته‌لیگی‌دیر. اوریینیزده اولان بعضی پروبلملر آیاقلارینیزدان سیگنال وئره بیلر.

بونون اوچون اویغون اؤلچولو جورابلار گئیینمه‌یه دقت ائدین. حدین‌دن آرتیق دار جورابلار یئرینه راحت، بوش جورابلاری سئچین.

پامبیق و یا یوندن حاضیرلانمیش جورابلاری گئیینین. بئله ماتریاللار درینیزی داها آز قیجیقلاندیراجاق. آیاقلارینیزا متمادی اولاراق قوللوق ائدین. نملندیرین، تمیز ساخلایین.

جورابلارینیزین کهنلدیینی گؤرسه‌نیز، یئنی جورابلار آلین. آشینمیش جورابلار دارالماغا مئیل‌لی اولا بیلر.

آیاق بیلیینیزده‌کی ایزلر و قیجیقلانمالار داوام ائدرسه، حکیمه مراجعت ائدین. بئله پروبلملر قان دورانی و یا دری ساغلاملیغی ایله باغلی داها جدی پروبلملرین علامتی اولا بیلر.