آنا صحیفه ساغلیق |
یئنی بیر آراشدیرما هفتهده جمعی ۱۵ مین آددیم آتماغین عمره اوچ ایل علاوه ائده بیلجیینی گؤستریب.
Axar.az خبر وئریر کی، بؤیوک بریتانییادا لوندون اقتصادیات مکتبی ایله سیغورتا شیرکتلریندن بیرینین آپاردیغی اورتاق آراشدیرما عمرو اوزاتماغین یولونون حرکت ائتمکدن کئچدیینی ثبوتا یئتیریب.
تدقیقات چرچیوهسینده بؤیوک بریتانییا و جنوبی آفریکادا اون ایل عرضینده بیر میلیوندان چوخ اینسانین داورانیش و وردیشلری تحلیل ائدیلیب. نتیجهلر گؤستریب کی، فیزیکی آکتیولیک بوتون یاش گروپلاریندا بؤیوک مثبت تأثیرلره سبب اولور، لاکین خصوصیله یاشلی نسیل اوچون داها افکتیودیر. هفتهده اوچ دفعهدن چوخ، منتظم اولاراق ۷ ۵۰۰ آددیم آتان ۶۵ یاشدان یوخاری اینسانلاردا اؤلوم ریسکینده ۵۲ فایز آزالما مشاهیده اولونوب. بو، ۴۵-۶۵ یاش گروپوندا مشاهده ائدیلهن ۳۸ فایزلیک آزالمادان و عمومی اهالینین سایی اوزره ۲۷ فایزلیک آزالمادان اهمیتلی درجهده بؤیوکدور.
ایکی ایل عرضینده هفتهده اوچ دفعه، ان آزی ۵۰۰۰ آددیم آتاراق ساغلام فیزیکی فعالیت وردیشینی ساخلاماقلا کیشیلر اوچون اورتا عمر اوزونلوغونا ۲،۵ ایل، قادینلار اوچون ایسه ۳ ایل علاوه اولونا بیلجیی مشاهده ائدیلیب.
بو، همچینین ۲-جی تیپ دیابت نیسبتینین آزالماسینا و بو خستهلیکدن اذیت چکهنلرده اؤلوم ریسکینین ۴۰ فایز آشاغی دوشمهسینه ده گتیریب چیخاریب.
تاریخ
2024.03.15 / 16:05
|
مولف
Axar.az
|