فیلملره باخارکه‌ن آغلاماق واختیندان اول اؤلوم ریسکینین آرتماسینا سبب اولور.

Kult.az خبر وئریر کی، بریتانییالی تدقیقات‌چیلار بئله داورانیشین نئوروتیکلیین(عصب پوزغونلوغو) تظاهرو اولدوغونو و ائرکه‌ن اؤلوم احتمالینی اون فایز آرتیردیغینی معین ائدیبلر.

متخصصلر نئوروتیک‌لییی منفی اموسیونال وضعیتلره میلی اؤزونده احتیوا ائد‌ن مرکب شخصیت خصوصیتی کیمی تصویر ائدیرلر. اونون ایستروکتورونا مختلف کومپوننتلر داخیلدیر، بونلار آراسیندا تک‌لیک، ناراحات‌لیق و آرتان قیجیقلانما حسلری وار.

فلوریدا دولت اونیورسیتتینین تدقیقات گروپو ایسه نئوروتیکلیین بوتون کومپوننتلری آراسیندا تنهالیغین عمور اوچون ان بؤیوک تهلوکه اولدوغونو معین ائدیب. بو وضعیت تنفس و هزم سیستملری ایله باغلی پروبلملرین انکشافینا، همچینین انسانی اؤزونو محو ائد‌ن داورانیشا سوق ائده بیلر.