تاسفله اؤلکه‌ده ۱۰۰ مین طب باجیسی چاتیشمازلیغی وار و بو بوشلوغو دولدورماق اوچون طب باجیسی کیمی اختصاصلاشمایان شخصلردن ده استفاده اولونور.

Axar.az خبر وئریر کی، بونو ایران صیه سیستمی‌نین رسمیسی احمد نجاتیان دئییب.

او، هر ایل ۳۵۰۰ طب باجیسی‌نین تقاعده چیخدیغینی و بو شخصلرین یئرینی توتاجاق کادرلارین جلب ائدیله بیلمه‌دیینی سؤیله‌ییب.

"سون بیر نئچه ایل عرضین‌ده یالنیز ۱۰ مین طب باجیسی ایشه گؤتوره بیلمیشیک و بو رقم پروبلئمین حلی اوچون اهمیت داشیمیر"،- نجاتیان بیلدیریب.

بوندان اول ایسه ایران طب باجیلاری بیرلیی‌نین کاتبی محمد شریفی مقدم دئییب کی، هر ۱۰۰۰ نفره ان آزی ۳ طب باجی‌سی دوشمه‌لی اولدوغو حالدا، ایران‌دا بو رقم ۱،۶-دیر.

او، بونونلا یاناشی هر ایل تخمیناً ۳ مین طب باجیسی‌نین اؤلکه‌نی ترک ائد‌رک داها یوکسک امک حاقی وئریلن اؤلکه‌لره مهاجرت ائتدیینی دئییب.