باکیدا آذربایجان رئسپوبلیکاسی و قازاخیستان رئسپوبلیکاسی آراسیندا خزر دنیزینین حقوقی ایستاتوسو اوزره ایکی طرفلی مصلحتلشمه‌لر کئچیریلیب.

گؤروشده آذربایجان رئسپوبلیکاسینی خاریجی ایشلر ناظیرینین موعاوینی خلف خلفوو، قازاخیستان رئسپوبلیکاسینی ایسه خاریجی ایشلر ناظیرلیینین خصوصی تاپشیریقلار اوزره سفیری زولفییه آمانژولووا تمثیل ائدیب.

خاریجی ایشلر ناظیرلیینین مطبوعات خیدمتیندن آخار . آذ-آ بیلدیریبلر کی، گؤروشده خزر دنیزینین حقوقی ایستاتوسو حاقیندا کونوئنسییا لاییحه‌سینین مودده عالاری و قارشیلیقلی ماراق دوغوران مسئله‌لر موذاکیره ائدیلیب، ائلجه ده خزر دنیزی ایله باغلی دیگر آکتوال مؤوضوعلار اوزره گئنیش فیکیر موبادیله‌سی آپاریلیب. خزریانی اؤلکه‌لرین دؤولت باشچیلارینین نؤوبتی زیروه توپلانتیسینا قدر خزر دنیزینین حقوقی ایستاتوسو حاقیندا کونوئن‌سییا لاییحه‌سینین تام شکیلده راضیلاشدیریلماسی و کونوئن‌سییانین ایشلنیب حاضیرلانماسی اوزره خزریانی اؤلکه‌لرین خاریجی ایشلر ناظیرلرینین موعاوینلری سوییه‌سینده خصوصی ایشچی قروپونون نؤوبتی گؤروشونون آشق آباددا کئچیریلمه‌سی اوچون بیرگه سعی لرین آرتیریلماسینین واجیبلیگی وورغولانیب.

خزر دنیزی مسئله‌لری اوزره ایکی طرفلی فورمات‌دا کئچیریله‌ن مصلحتلشمه لرین مؤقعلرین یاخینلاشدیریلماسینا و آچیق قالان مسئله‌لرین راضیلاشدیریلماسینا خیدمت ائتدیی قئید اولونوب.