بیر چوخلاری آمئریکا پرزیدنتی دونالد ترامپین افقانیستانداکی گوجلرینی آزالداجاغی قرارینی گؤزلیرکن، آغ ائو صاحبی تام ترسینه آددیم آتدی. بلکه ده ترامپ افقانیستانداکی حرب‌چی لرینین سایینی آزالداردی، آنجاق آغ ائو صاحبینی فرق‌لی قرار وئرمه‌یه روسییانین سیاستی مجبور ائتدی.

آخار. آذ خبر وئریر کی، بو سؤزلری آمئریکا پرزیندنتی دونالد ترامپین افقانیستانا دایر پلانینی شرح ائد‌ن پولیتولوق ائلخان شاهین اوغلو دئییب.

«روسییا طالبان حرکاتی ایله یاخین‌لیغینی آرتیق گیزله تمیر. روسییالی دیپلوماتلار آچیق شکیلده افقانیستان‌دا حاکمیتین طالبانلا بؤلوشدورولمه‌لی اولدوغونو دئییرلر. طالبان ایسه بونون قارشیلیغیندا کرئمله روسییا حربی قوشونلارینین قورودوغو مرکزی آسییا سرحدلرین‌دن اوزاق دایاناجاغینا دایر سؤز وئریب.

کرئملله طالبانین سؤودلشمه‌سینه ایشاره ائد‌ن فاکت وار: روسییا پرزیدنتینین افقانیستان اوزره خصوصی نماینده‌سی زامیر کابولوو آوگوستون ۱۴-ده آچیقلاما وئره‌رک، آمئریکا اوردوسونون افقانیستانی ترک ائتمه‌سی واجیبلیینی بیلدیردی. بیر گون سونرا طالبان رهبرلیگی واشینگتونا عینی مضمونلو مکتوب گؤندردی: افقانیستانی ترک ائدین! دولاند ترامپ دا کرئملین و طالبانین آجیغینا بو اؤلکه‌دن چیخمایاجاغینی بیلدیردی. بلکه ائله کرئمله ده بو جاواب لازیم ایدی. چونکی بون‌دان سونرا طالبان رهبرلیگی اعلان ائتدی کی، آمئریکایا قارشی جیهادی داوام ائتدیره‌جکلر. بو ایسه قتللرین و تئرورون داوامی دئمک‌دیر. کرئمل آمئریکانین افقانیستان‌دا هله اوزون ایللر باتاق‌لیق‌دا قالماسینی ایسته ییر»، - پولیتولوق بیلدیریب.

قئید ائدک کی، آمئریکا پرزیدنتی دونالد ترامپ افقانیستانا دایر پلانینی آچیقلاییب. آغ ائو صاحبی بو اؤلکه‌نین تئرورچولارین یوواسی حالینا گلمه‌یه ایمکان وئرمه‌یه‌جکلرینی بیان ائدیب. ترامپ افقانیستانا علاوه نه قدر قوه گؤندریله جه یینی آچیقلاماسا دا، مطبوعات بونون ۴۰۰۰ عسگر جیوارین‌دا اولاجاغینی بیلدیریر.

حاضردا افقانیستان‌دا آمئریکا-این ۸۴۰۰ نفرلیک حربی کونتینگئنتی فعالیت گؤستریر.

ترامپ افقانیستانلا باغلی ایستراتئگییاسینی دییشمزدن اؤنجه آمئریکا-این بو اؤلکه‌ده حربی کونتینگئنت ساخلاماسینا قارشی چیخیش ائدیردی.