آنا صحیفه سیاست |
سعودییه عربیستانی نفت اوبیکتلرینین هجوما معروض قالماسی ایرانلا مناسیبتلری گرگینلشدیرهجک.
بو سؤزلری آخار. آذ-آ آچیقلاماسیندا پولیتولوق ووقار زیفروغلو دئییب.
«عمومیتله، بؤلگهده باش وئرن پروسسلری تدقیق ائتدییمیز زامان حادثهلرین بیر-بیری ایله زنجیرواری باغلیلیغینی نظره آلمالیییق. سعودییه عربیستانینا مخصوص اولان زاوودلارین وورولماسی فاکتی ایله باغلی کونکرت آچیقلامالار وئریلدی. ایلکین آچیقلامادا بو سلاحلارین ایرانا مخصوص اولدوغو بیلدیریلدی».
عرب اؤلکهلری ایله ایران آراسیندا هر زامان ضدیتلی مقاملار اولدوغونو دقته چاتدیران پولیتولوق بیلدیریب کی، ضدیتلرین ایچینده ایکی اساس مسئله وار: یمن بحرانی (حوثیلر) و قطر بحرانی:
«سون بیر ایلده معین معنادا لوکال شکیلده ایستر یمنده، ایستر لیواندا بو ایران-عرب قارشیدورمانین گئتدیینی ایزلسک ده، او، پیک حده گلیب چاتمامیشدی. یعنی قطر و یمنده باش وئرن پروسئسلر فونوندا گرگینلیکلر پیک حده دئییلدی. سون حادثه ایسه سانکی کاتالیزاتور رولونو اوینادی. بو، مناسیبتلری داها دا گرگینلشدیرهجک».
اکسپرت حادثهلرین، خصوصیله، روسییا، ایران و تورکییه لیدرلرینین گؤروشو عرفهسینده باش وئرمهسی فاکتینا دا دقت یئتیریب.
«طبیعی کی، وئرسییالارین هر بیرینی گؤزدن کئچیرمک واجیبدیر. ایرانین سعودییه عربیستانینا مخصوص زاوودلاری وورماسی یوکسک احتیمالیدیر. چونکی سعودییه رگیوندا ایرانین ان جدی رقیبیدیر و بیر چوخ مناقیشهلی مسئلهلرده، یمنده، بحرینده، عراقدا، سورییادا فاکتیکی اولاراق هر ایکی اؤلکهنین قارشیدورماسینا معین معنادا شاهید اولوروق. اما باشقا احتیماللار دا وار. مثلاً، محض بو مناقیشهنی آلوولاندیرماق اوچون ماراقلی اولان طرفلر مؤوجوددور»، - اکسپرت وورغولاییب.
زیفروغلو اصلینده باش وئرن حادثه نین اساس هدفینین ریاض یوخ، ایران اولدوغونو سؤیلهییب:
«سعودییه عربیستانی اورتایا آتیلان بیر بهانهدیر، اساس هدف ایراندیر و بوتون پروسسی تهرانلا ساواشی باشلاتماق ایستهیهن اؤلکه حیاتا کئچیریر. بورادا ایکی واجیب مقام وار: بیرینجیسی، سلاحلارین ایران ایستحصالی اولماسی - بو، ایرانین علیهینه ایشلهیهن فاکتدیر؛ ایکینجیسی، حوثیلرین مسئولیتی اؤز اوزرینه گؤتورمهلری. حوثیلر ایرانین بیرمعنالی شکیلده دستکلدیی قروپلاشمادیر کی، اونون بئله آددیم آتماسی ایرانین علیهینه ایشلییر».
ایستر اقتصادی دایانیقلیلیق، ایسترسه ده سیاسی و سوسیال ایستابیللیک باخیمیندان آغیر وضعیتده اولان ایرانین نیه قطیعتله حوثیلری دستکلهمهسی سوالینی جوابلاندیران پولیتولوق حاضردا جنوب قونشوموزدا اصلاحاتچیلار و محافظهکارلار آراسیندا قارشیدورمانین اولدوغونو، بو قروپلارین بعضی نمایندهلرینین ایرانین آمریکا ایله مناسیبتلرینین نورماللاشماسیندا ماراقلی اولمادیغینی وورغولاییب.
تاریخ
2019.09.18 / 10:55
|
مولف
Axar.az
|