ناخچیوان مختار رسپوبلیکاسی ایله آذربایجانین دیگر اراضیلری آراسیندا قورو و دمیر یولونون برپاسی ایستیقامتینده آرتیق ایرانلا ایلکین تماسلارا باشلانیلیب.

Axar.az خبر وئریر کی، بو باره‌ده آذربایجان رسپوبلیکاسی پرزیدنتینین کمکچی‌سی - پرزیدنت آدمینیستراسییاسینین خاریجی سیاست مسئله‌لری شعبه‌سینین مدیری حیکمت حاجییئو ژورنالیستلره آچیقلاماسیندا بیلدیریب.

پرزیدنتین کمک‌چی‌سی قید ائدیب کی، بو ایستیقامتده صلاحیت‌لی ناظیرلر طرفیندن ایشلر آپاریلماقدادیر:

«یعنی، پراکتیکی ایش باشلاییب. زنگیلاندا، آغبندده آراز چایی اوزرینده تیکیله‌جک کؤرپولرله ایران اراضی‌سینه، اورادان دا ناخچیوانا کئچمک اوچون قورو و دمیر یولو خطلرینین تیکینتیسی داوام ائتدیریلیر. تأسف کی، سون ۳ ایلده ارمنیستان بو خطین تیکیلمه‌سی، ایر‌لی آپاریلماسی اوچون جدی آددیم آتمادی. بیز ده ارمنیستانین نه واخت قرار قبول ائدجیینی گؤزله‌یه بیلمریک. گؤردویونوز کیمی، اورتا دهلیزده یئنی امکانلار یارانیر و بو فورصتلری ده دوغرو، دوزگون قیمتلندیره‌رک علاقه‌لری قورمالیییق».