ایروان باکینین دانیشیقلارین ایکی‌طرفلی اساسدا باشلانماسی و گؤروشون «قارشی‌لیقلی مقبول مکاندا و یا دولت سرحدینده باش توتماسی» تکلیفینه جواب وئریب. جوابدا قید اولونور کی، «ایکی اؤلکه آراسیندا صلحون برقرار اولماسی اوچون رئال امکان وار و بو، هر ایکی طرفدن سیاسی اراده اولارسا، رئاللاشا بیلر». و «بو اراده‌نین نمایشی» کیمی آذربایجانا تکلیف ائدیرلر کی، دولت سرحدینده هر ایکی اؤلکه‌نین دلیمیتاسییا-دمارکاسییا کمیسسییالارینین اجلاسی کئچیریلسین.

باکی و ایروان باشقا-باشقا مسئله‌لردن دانیشیر.

- آذربایجان تکلیف ائدیر کی، صلح دانیشیقلاری دولت سرحدینده، یاخود هر ایکی طرفین قبول ائدجیی مکاندا واسطه‌چی‌سیز باش توتسون؛

- ارمنیستان تکلیف ائدیر کی، سرحدده دمارکاسییا کمیسسییالارینین اجلاسی کئچیریلسین؛

اصلینده ایروانین باکییا عنوانلادیغی بیانات جواب یوخ، تکلیفدن عبارتدیر. بو ایسه باکینین «ایکی‌طرفلی فورمات» ایستیینی یاخینا بوراخماق ایستمدیکلرینی گؤستریر. ارمنیستان خارجی ایشلر ناظیرلیی-نین بیاناتینین متنی ده دانیشیقلارین غرب پلاتفورماسیندا کئچیریلمه‌سیندن یانا اولدوقلارینی تصدیق ائدیر. دمارکاسییا کمیسسییالارینین اجلاسینین سرحدده کئچیریلمه‌سی تکلیفی ایسه واشینگتونون قارشی‌سیندا «صلح‌دن قاچان» طرف کیمی گؤرونمک ایستمه‌مه‌لریدیر.

ایکی‌طرفلی فورماتدا گؤروشو آمریکا تکلیف ائدیب. آذربایجان بو فورماتی اولدن دستکلییر، حتی مکان کیمی بؤلگه‌ده واسطه‌چی‌لیک اوغروندا مبارزه آپاران غرب و روسیا ماساسینی یوخ، تفلیسی تکلیف ائدیب. بو فورماتلا باغلی سون چاغیریشدان سونرا رسمی باکی صلح دانیشیقلارینین دولت سرحدینده کئچیریلمه‌سی ایدئیاسینی ایر‌لی سوردو.

بو ایدئیا آذربایجان-ارمنیستان دانیشیقلاریندا بیر ایلکدیر. باکی بونونلا هم ده غرب ماساسیندان امتنا ائتمه‌سینین روسیا ایله باغلی اولمادیغینی نمایش ائتدیریر. ارمنیستان ایسه «دمارکاسییا کمیسسییالارینین اجلاسی»نی ایر‌لی سورمکله هم باکینین تکلیفینه جواب وئردیینی گؤستریر، هم آمریکا-نین چاغیریشینی دستکلدیینی. هرچند، دولت سرحدینده صلح دانیشیقلاری تکلیفینه دمارکاسییا کمیسسییالارینین اجلاسی تکلیف ایله جواب وئرمک ایروانین پروسسی مانیپولیاسییا ائتمک جهدیندن باشقا بیر شی دئییل.