اسلام امکداشلیق تشکیلاتینا عضو دولتلرین امک ناظیرلرینین باکی‌دا کئچیریلن ۵-جی کنفرانسینین ناظیرلر سسییاسی ایشینی داوام ائتدیریب.

Axar.az خبر وئریر کی، اجلاسین گونده‌لیی قبول ائدیلیب و ناظیرلر سسییاسینا حاضرلیق اجلاسینین حساباتی تقدیم اولونوب. دوست کونسپسییاسی و اؤلکه‌میزده سوسیال ساحه‌ده ای-خدمتلر باره‌ده ویدئوچارخلار نمایش ائدیلیب. عضو اؤلکه‌لرین امک ناظیرلرینین و نماینده هیئتلری باشچیلارینین چیخیشلاری دینلنیلیب.

کنفرانس اشتراک‌چیلاری داها سونرا تدبیرین قطعنامه لایحه‌سینی نظردن کئچیریب و قطعنامه‌نی قبول ائدیبلر.

کنفرانسدا مذاکره مؤوضولارینین عضو اؤلکه‌لر اوچون آکتوال اولدوغو وورغولانیب. بورادا آپاریلان مذاکره‌لرین و تجربه مبادله‌لرینین نماینده هیئتلری اوچون اؤنملی اولدوغو، همین اؤلکه‌لرده امک، مشغوللوق، سوسیال مدافعه ساحه‌لرینده حیاتا کئچیریلن اصلاحاتلار پروسسی اوچون اهمیتی دقته چاتدیریلیب.

اسلام امکداشلیق تشکیلاتی-نین باش کاتیبینین معاونی دؤکتور احمد سنگندو آذربایجانین اسلام امکداشلیق تشکیلاتی-ایله فعال امکداشلیغیندان و کنفرانسا یوکسک سویه‌ده ائو صاحب‌لیی ائتمه‌سیندن راضی‌لیغینی، کنفرانس اشتراک‌چیلارینا آپاریلان مذاکره‌لرده فعال اشتراکینا گؤره میننتدارلیغینی بیلدیریب.

سونرا کنفرانسین صدری، امک و اهالینین سوسیال مدافعه‌سی ناظری ساحل بابایئو و دؤکتور احمد سنگندو مدیا اوچون بریفینگ کئچیریبلر.

اونلار کئچیریلن بو بین‌الخالق تدبیرین یکونلاری باره‌ده معلومات وئریب، کنفرانسین عضو اؤلکه‌لر، همین اؤلکه‌لرین گله‌جک امکداشلیغی اوچون اوغورلو نتیجه‌لرینین اولاجاغینا امینلیک ایفاده ائدیبلر.