آغدام‌داکی تورکیه-روسیا بیرگه مونیتورینگ مرکزی باغلاناندان سونرا بو گون آرتیق روس صلح‌مراملی کونتینگنتینین خوجالی‌داکی بازاسیندان دا حرب‌چیلرین، حربی تکنیکا و سلاح-سورساتین داشینماسینین بیتدیی گوندور. یعنی روسیانین جنوب حرب دایره‌سینین هیئتینه داخل اولان روس صلح‌مراملیلاری هیئتینه عاید اولان بوتون املاک داشینیب. اونلارین بیر حصه‌سی گومروده‌کی ۱۰۲-جی حربی بازادان گتیریلدیی اوچون اورایا، قالانی ایسه دمیر یولو ایله روستوودا یئرلشه‌ن جنوب حرب دایره‌سینین بازاسینا گئری گؤندریلیب.

بو سؤزلری Axar.az-آ آچیقلاماسیندا حربی اکسپرت ائلخان شیخلیئو دئییب.

«آرتیق پروسس یکونلاشیر و بیز یئنی مرحله‌یه قدم قویوروق. خوجالی‌داکی حربی بازا دا اردوموز طرفیندن تحویل گؤتوروله‌جک. عینی زماندا اوراداکی هوا لیمانینین دا اؤلکه‌میزین موافق دولت قوروملارینا تحویل وئریلمه‌سی پروسسی باشلایاجاق. ۲۰۲۰-جی ایلین ۱۰ نویابریندا باشلایان مرحله بو گون بیتدی. تاریخیمیزده ۱۵ مای آذربایجان و روسیا آراسیندا مناسبتلرین یئنی صفحه‌سینین باشلانغیجی کیمی قالاجاق»، - حربی اکسپرت قید ائدیب.

خاطیرلاداق کی، روسیا صلح‌مراملیلاری ۲۰۲۰-جی ایل نویابرین ۱۰-دا امضالانمیش اوچ‌طرفلی بیاناتا اساساً، آذربایجان اراضی‌سینده ۵ ایل مدتینه یئرلشدیریلمیشدی. داها سونرا هر ایکی اؤلکه‌نین عالی رهبرلیی اونلارین آذربایجان اراضی‌سیندن واختیندان اول چیخاریلماسی باره‌ده قرار قبول ائدیبلر.