آمریکا بیرلشمیش ایشتاتلارینا سفری چرچیوه‌سینده آذربایجانین خارجی ایشلر ناظرینین معاوینی النور مممدوو آمریکا دولت کاتیبینین آوروپا و آوراسیا مسئله‌لری اوزره کمک‌چیسینین بیرینجی معاونی ائندریو ایستوو ایله گؤروش کئچیریب.

Axar.az خبر وئریر کی، بو باره‌ده آذربایجان خارجی ایشلر ناظرلییی معلومات یاییب.

گؤروش زمانی آذربایجان-آمریکا ایکی طرف‌لی مناسبتلرینین موجود وضعیتی و انکشاف پرسپکتیولری باره‌ده فکر مبادله‌سی آپاریلیب، ایکی اؤلکه آراسیندا طرفداشلیغین گئنیش ایسپکتر اوزره داها دا انکشاف ائتدیریلمه‌سینین اهمیتی وورغولانیب.

مذاکره‌لر زمانی، خصوصیله، آذربایجان رسپوبلیکاسی حکومتی ایله آمریکا بیرلشمیش ایشتاتلاری حکومتی آراسیندا استراتژی طرفداشلیق خارتیاسینین حیاتا کئچیریلمه‌سی، ائلجه ده باکی اقتصادی دیالوگونون نتیجه‌لری دقت مرکزینده اولوب.