خزر دنیزینین تهلوکه‌سیزلییی ایلک نوبه‌ده، ساحلیانی دولتلرین راضیلاشدیریلمیش مکانیزملر واسطه‌سیله تعمین ائتمه‌لی و قورویوب ساخلامالی اولدوغو رگیونال مسئولیتدیر.

Axar.az خبر وئریر کی، بونو ایران خارجی ایشلر ناظرینین معاوینی کاظم غریب آبادی دئییب.

اونون سؤزلرینه گؤره، خزر دنیزی ایران و اونون قونشولاری اوچون ساده‌جه سو حوضه‌سی دئییل:

«خزر دنیزی تاریخ بویو اونو احاطه ائد‌ن خالقلارین جغرافیاسینین، کیملیینین و قارشی‌لیقلی مناسبتلرینین بیر حصه‌سی اولوب و رگیونال علاقه‌لرده خصوصی یئر توتور. دنیزین تهلوکه‌سیزلییی، ثابت‌لییی و گلجیی ایله باغلی اساس مسئولیتی ساحلیانی دولتلر داشیییر. ایران و دیگر ساحلیانی اؤلکه‌لر خزرده خارجی حربی موجودلوغون قاداغان ائدیلمه‌سینی دستکلییرلر. خزر رقابت و یا رگیوندان کنار دولتلرین موجودلوغو میدانینا چئوریلمه‌مه‌لی‌دیر. او، رگیون اؤلکه‌لری طرفیندن رگیون اؤلکه‌لری اوچون فورمالاشدیریلان رگیونال تهلوکه‌سیزلیک سیستمینین نمونه‌سینه چئوریله بیلر و چئوریلمه‌لیدیر».