تهران سنتیابرین ۲۳-ده خزر دنیزینین حقوقی ایستاتوسو حاقیندا کونونسیانین اشتراکچی دولتلرینین توپلانتیسینا ائو صاحب‌لییی ائد‌جک.

Axar.az خبر وئریر کی، بو باره‌ده ایران خارجی ایشلر ناظرینین معاونی کاظی غریب‌آبادی معلومات وئریب.

معلوماتا گؤره، اجلاسا خزریانی بئش اؤلکه‌نین یوکسک سویه‌لی رسمیلری قاتیلاجاق.

«ایران و دیگر خزریانی اؤلکه‌لر ساحلیانی اولمایان دولتلرین حربی قوه‌لرینین خزر دنیزینه داخیل اولماسینا قارشی‌دیر و بؤلگه‌نین تهلوکسیزلیینین بئش ساحلیانی اؤلکه طرفیندن تعمین ائدیلمه‌لی اولدوغونو دوشونورلر»،-غریب‌آبادی قید ائدیب.

او، خزر دنیزین‌ده سو سویه‌سینین آزالماسی، چیرکله‌نمه و اکوسیستمین ضعیفله‌مه‌سینین بالیقچی‌لیق، گمی‌چیلیک، لیمانلار و دیگر اینفراستروکتورلار اوچون تهلوکه یاراتدیغینی بیلدیریب و کونونسییانین راتیفیکاسییاسی و قوه‌یه مینمه‌سینین یئرآلتی ثروتلرین دلیمیتاسیاسینا تأثیر گؤسترمیجیینی ده وورغولاییب.