ایرانین لاهیجان و ارمنستانین سیسیان شهرلری آراسیندا قارداش شهر مقاوله‌سی امضالانیب.

Axar.az خبر وئریر کی، بو باره‌ده ایران مئدیاسی معلومات وئریب.

مقاوله‌یه لاهیجان شهرینین باشچی‌سی رضا زنده دل و سیسیان شهرینین مری هوسف آراکلیان طرفیندن سیسیان شهرینده کئچیریلن مراسم‌ده امضا آتیلیب.

مراسم ایرانین ارمنستان‌داکی سفیری خلیل شیرغلامی، ایرانین قافان شهرینده‌کی باش کونسولو مرتضی عابدین ورامین و هر ایکی اؤلکه‌دن بیر گروپ رسمی‌نین اشتراکی ایله حیاتا کئچیریلیب.

مقاوله چرچیوه‌سینده ایکی شهر آراسیندا مدنیت، توریزم، اقتصادیات و شهرسالما ساحه‌لرینده قارشی‌لیقلی علاقه‌لرین و امکداشلیغین گئنیشلندیریلمه‌سی نظرده توتولور.

اسلام رسپوبلیکاسینین ایروان‌داکی سفیری خلیل شیرغلامی مقاوله‌نی ایران و ارمنستان آراسین‌دا مناسبتلرین انکشافی باخیمیندان فرصت کیمی دیرلندیریب و شهرلر آراسیندا علاقه‌لرین گئنیشلندیریلمه‌سینین واجیبلیینی وورغولاییب.