ایرانین خارجی سیاستینه گلینجه، بو، ایرانین اؤزونون سووئرن قراریدیر. ایران بؤیوک رگیونال گوج‌دور و دنیا ایشلرینده مهم رول اویناییر. اما فکریمجه، چتین کی، بو فاجعه‌دن سونرا (ایران پرزیدنتی رئیسینین هلیکوپتر قضاسین‌دا اؤلومو – رئد.) ایران رهبرلیینین خارجی سیاستینده هر هانسی دییشیکلیکله قارشیلاشاق.

Axar.az خبر وئریر کی، بو سؤزلری روسیا لیدری ولادیمیر پوتین جمعه گونو روسیا-بلاروس دانیشیقلارینین یکونلارینا دایر مطبوعات کنفرانسیندا دئییب.

اونون سؤزلرینه گؤره، ایران دولتچیلیینین فوندامنتال اساسلاری کفایت قدر ثابت و اعتبارلیدیر:

«بیز بیر دولت اولاراق ایرانلا، ایران خالقی و ایران رهبرلیی ایله چوخ یاخشی علاقه‌لر قورموشوق. شخصاً من بورادا ممکون جدی دییشیکلیکلر گؤرمورم. امید ائدیرم کی، ایران سیاستینین روسیا و اساس بین‌الخالق مسئله‌لر اوزره امکداشلیغیمیز استقامتینده داواملی‌لیق قالاجاق».

قید ائدک کی، ایران پرزیدنتی ایبراهیم رئیسی، خارجی ایشلر ناظیری حسین امیر عبداللهیان، تبریزین امام جمعه‌سی علی آل هاشم، شرقی آذربایجان ولایتینین والیسی مالک رحمتی ۱۹ مای‌دا شرقی آذربایجان ولایتینده باش وئرن هلیکوپتر قضاسیندا هلاک اولوب.